میدیاکانی فەرمی ئێران ڕۆژی یەکشەممە ڕایانگەیاند، کە یاسادانەرانی ئێرانی مەرجیان داناوە بۆ بوژاندنەوەی پەیمانی ناوکی ساڵی 2015 دا، لەوانە گەرەنتی یاسایی پەسەندکراو لەلایەن کۆنگرێسی ئەمریکاوە کە کە واشنتون لێی پاشگەزنەبێتەوە.
ئێران و ئەمەریکا لە ساڵی ڕابردوودا لە ڤییەنا بەشدارییان لە گفتووگۆی ناڕاستەوخۆ کردووە بۆ زیندووکردنەوەی ڕێککەوتننامەی ناوکی ساڵی 2015ی نێوان تاران و زلهێزە جیهانییەکان، کە ئەوکات سەرۆکی ئەمریکا دۆناڵد ترەمپ لە ساڵی 2018دا لیێ کشایەوە، و دواتر ئێران لەڕێگای چرکردنەوەی بەرنامە ئەتۆمییەکەی پێشێلی کرد.
ئێستا دانوستاندنەکان لە کاتێکدا ڕاگیراون لەم دەمەی تاران و واشنتۆن گلەیی و گازندە لە یەکتر دەکەن، کە شکستیان هێناوە لە وەرگرتنی بڕیاری سیاسی پێویست بۆ یەکلاییکردنەوەی کێشەکانی بە هەڵپەسێردراوی ماونەتەوە.
جێی ئاماژەیە لەوانەیە سەپاندنی مەرج لەکاتێکی وەها گرنگدا، ببێتە هۆی مەترسی لەسەر بەدەستهێنانی ڕێککەوتنی کۆتایی، لە ڕێگای سنورداکردنی پانتایی دانوستانکاران بۆ مانۆڕکردن لە وتووێژەکاندا.
ئاژانسی هەواڵی نیمچە فەرمی تەسنیم ئاماژە بە بەیاننامەیەک کە 250 یاسادانەر لە کۆی 290 یاسادانەرانی واژۆیان کردووە، بڵاویکردەوە پێویستە ویلایەتە یەکگرتووەکانی ئەمەریکا گرەنتی یاسایی بدات، کە کۆنگرێس پەسەندی بکات ، بەوەی جارێکی تر لە پەیمانەکە پاشگەز نەبێتەوە.
ئاژانسی هەواڵی تەسنیم بڵاویکردەوە، لە نامەکەدا هاتووە کە بە پێی پەیمانەکە چیدی نابێت ئەمەریکا "بەهانە بەکاربهێنێت بۆ دروستکردنی میکانیزمی پاشگەزبوونەوە"، کە بە گوێرەی دەستبەجێ سزاکانی سەر ئێران دووبارە بسەپێنێتەوە.
یاسادانەرەکان هەروەها وتیان کە "ئەو سزایانەی کە بەگوێرەی پەیمانەکە لادەبرین، نابێت دووبارە بخرێتەوە سەر وڵاتەکە، و نابێت ئێران ڕووبەرووی سزای نوێ ببێتەوە".
وەزیری دەرەوەی ئێران حوسێن ئەمیرعەبدوڵڵاهیان ڕۆژی یەکشەممە گوتی دەبێت سەرۆکی ئەمەریکا جۆ بایدن فەرمانێکی باڵا دەربکات بۆ لابردنی هەندێک سزا لەسەر ئێران بۆ ئەوەی نیازپاکی خۆی بەرامبەر بوژاندنەوەی پەیمانی ناوکی نیشان بدات.
10/4/2022
