^{سەرۆكی شاندی دانوستانكاری ڕووسیا پاش كۆبوونەوەكەى ئه‌مڕۆی نێوان هه‌ردوو شاندی وڵاته‌كه‌یی و ئۆكرانیا رایگەیاند، بەپێی ئەو پێشنیارانه‌ی لەنێوان هەردوو شانددا كراوە، ئۆكرانیا دەستبەرداری بوون بە ئەندام لە هاوپەیمانی ناتۆ دەبێت، هەروەها ئۆكرانیا دەستبەرداری بوون بە ئەندام لە هەر ڕێكخراوو هاوپەیمانێتییەكی دیكەی سەربازیش دەبێت.}

^{سەرۆكی شاندی دانوستانكاری ڕووسیا راشیگەیاندووە، به‌پێی پێشنیاره‌كان كه‌ خراوه‌ته‌ به‌رده‌ست ئۆكرانیا دەستبەرداری گەڕانەوەی نیوەدورگەی كریمیا و هەرێمی دۆنباس بۆ سەر خاكەكەی بەڕێگای سەربازی دەبێت، هەروەها ئۆكرانیا ڕێگا بە بڵاوبوونەوەی بنكەی سەربازی بیانی و هێزی سەربازی لەسەر خاكەكەی و راهێنانی سەربازی نادات.}

^{بەپێی ئەو ناوەڕۆكەی كە شاندی ڕووسیا بڵاویكردوەتەوە، ئۆكرانیا دەوڵەتێكی بێلایەنی بێ چەكی ناوەكی دەبێت، هەروەها ئۆكرانیا گرەنتی ئەمنی پێدەدرێت لە بەرامبەر ئەوەی كە خاوەنی هیچ چەكێكی ناوەكی نەبێت، بەڵام وەك بەرپرسی شاندە ڕووسیەكە رایگەیاندووە، ئەو گرەنتییە ئەمنییە دورگەی كریمیا و هەرێمی دۆنباس ناگرێتەوە.}

^{هەروەها راشگەیەنراوە، رووسیا لاری نییە و ڕێگر نییە لە بە ئەندام بوونی ئۆكرانیا لە یەكێتی ئەورووپا و هەروەها ئۆكرانیا داوای كردووە ئەو لێكتێگەیشتنەی هاتوەتە ئاراوە لە نێوان هەردوو سەرۆكدا تاوتوێ بكرێتەوەو بڕیاری كۆتایی لەسەر بدرێت.}

^{بەپێی لێكتێگەیشتنی ئەمڕی شاندەكان، ڕووسیا هێزە سەربازییەكانی لە دەورووبەری كیێڤ دەكشێنێتەوە.}

٢٩/٣/٢٠٢٢