^{سەعید خەتیب زادە وتەبێژی وەزارەتی دەرەوەی ئێران لە دانیشتنێکی هەواڵنێری خۆی بە ئاماژەدان بە هێرشی سپای پاسدارن بە هەولێر وتی: ((بە هیچ شێوەیەک قبووڵ ناکرێ)) کە عێراق ببێتە ((ناوەندێکی هەڕەشە)) بۆ سەر کۆماری ئیسلامی.}

^{خەتیب زادە لە دانیشتنی هەواڵنێری رۆژی دووشەممە رێکەوتی ٢٣ی رەشەممە رایگەیاند ((چەندین جار بە ناوەندی وڵاتی عێراق رامانگەیاندووە کە نەهێڵێت سنوورەکانی عێراق ببێتە سنوورێکی مەترسیدار و داواکاری ئێمە لە وڵاتی عێراق ئەوەیە کە جارێک بۆ هەمیشە بە مەترسی سنوورەکانی کۆتایی بێنێت.))}

^{وتەبێژی وەزارەتی دەرەوەی ئێران ئیسرائیلی بەوە تاوانبار کرد کە چەندین جار لە خاکی عێراق مەترسی بۆ تاران هاوردوەتە ئاراوە و زیادیشی کرد: ((کۆمەڵێک کۆبوونەوەی دژە شۆڕش و دەستە و گرووپ لەم وڵاتە بەڕێوە دەچێت.))}

^{سپای پاسداران دوای هێرشی مووشەک بە هەولێر ئیدعای کرد کە مەقەڕیکی سەر بە ئیسرائیل ئامانجی هێرشەکەی بووە و بەم حاڵەشەوە بەرپرسانی عێراق ئەم ئیدعایەی ئێرانیان رەد کردەوە.}

^{بەرپرسانی وڵاتی عێراق هاودەنگ هێرشی مووشەکی ئێرانیان مەحکووم کرد؛ هەروەها سەفیری کۆماری ئیسلامی لە بەغدا بانگ کراوەتە وەزارەتی دەرەوەی عێراق.}

18/3/2022