^{ڕۆژی هەینی چەند مووشەکێکی ڕووسیایی ئاراستەی ڕۆژئاوای ئۆکرانیا کرا نزیک فڕۆکەخانەی لڤیڤ.}

^{سەرۆکی شارەوانی لڤیڤ ئاندرێ سادۆڤی دەڵێت مووشەکەکان بەر فڕۆکەخانەکە نەکەوتوون بەڵام بەر شوێنێکی چاککردنەوەی فڕۆکە کەوتووە.}

^{هەتا ئامادەکردنی ئەم هەواڵە هیچ ڕاپۆرتێک لەسەر زیانی گیانی ڕانەگەیەندراوە لەو هێرشەی نزیک لڤیڤ کە نزیکەی 80 کیلۆمەتر دوورە لە سنووری ئۆکرانیا لەگەڵ پۆڵەنداوە.}

^{دووکەڵێکی زۆر ئەو ناوچەیەی دەوروبەری فڕۆکەخانەی گرتووە.}

^{هاوکات لە ماریۆپۆل، ڕزگاربووان دەستیان کردووە بە هاتنەدەرەوە لە نێو ئەو هۆڵی شانۆیەی ماریۆپۆل کە ڕۆژی چوارشەممە مووشەکی ڕووسیایی بەرکەوت.}

^{هێشتا ڕوون نییە کە چەند کەس لەو هێرشە ڕزگاریان بووە.}

18/3/2022