^{ئێران بەهۆی سزاکانی ئەمەریکاوە، ناتوانێت نەوت بفرۆشێت و ئەو وڵاتەش نەوتەکەی بەرامبەر چا و پەینی کیمیایی رەوانەی چین و سریلانکا دەکات و ئەوەش زیانی تەندروستیی و ئابوریی بەو وڵاتە گەیاندوە.}

^{مەسعود دانشمەند، ئەندامی ژوری بازرگانیی ئێران بە ئاژانسی هەواڵی وڵاتەکەی راگەیاندوە: ساڵانێکە چین نەوتی ئێران دەبات و لە بەرامبەردا پەینی کیمیایی رادەست دەکات ئەوەش زیانی بە (15٪)ـی بە کشتوکاڵی وڵاتەکە گەیاندوە.}

^{ئاماژەی بەوەشکردووە، پەینە کیماییەکانی چین لە روی تەندروستییەوە مەترسیدارن و بەکارهێنانی ئەو پەینەش وای کردوە بەروبومە کشتوکاڵییەکانی ئێران ژەهراویی ببن و وڵاتانی جیهان رێگە بە هاوردەکردنی بەروبومی کشتوکاڵیی وڵاتی ئێران نەدەن.}

^{بە پێی لێدوانی بەرپرسانی ئێران، بەهۆی سزاکانی ئەمەریکاوە وڵاتەکە ناتوانێت پارەی داهاتی نەوتەکەی وەرگرێتەوە و ناچارە لە بەرامبەر هەندێک کاڵا و پێداویستیی وەرگرێت.}

^{ئێران دەڵێت: وڵاتی سریلانکا (251) ملیۆن دۆلاری نەوت قەرزارە و بڕیارە ساڵانە پێنج ملیۆن دۆلار چا بۆ وڵاتەکە بنێرێت لە جیاتی قەرزەکانی.}

3/1/2022