^{بە گوێرەی ئەو هەواڵانەی لە تۆرە کۆمەڵایەتییەکان، و تۆڕەکانی مافەکانی مرۆڤ و میدیاکانی ئێراندا بڵاو کراونەتەوە، بەندکراوی سیاسی کورد، حەیدەر قوربانی، سەر لە بەیانی ڕۆژی یەکشەممە لە شاری سنە لە سێدارە دراوە.}

^{ڕێکخراوەی مافی مرۆڤ "هەنگاو" بە بڵاوکردنەوەی هەواڵەکە ڕایگەیاند، حەیدەر قوربانی ڕۆژی یەکشمەمە بە شێوەێکی نهێنی و بە بێ ئەوەی ناوبراو بۆ دواجار بنەماڵەکەی ببینێت لە بەندیخانەی ناوەندی شاری سنە لە سێدارە دراوە.}

^{هەنگاو لە زاری سەرچاوەیەکی ئاگادار لە بابەتەکە نووسیویەتی، کاربەدەستانی حکومەت سەر لە بەیانی یەکشەممە لە پەیوەندییەکی تەلەفونیدا لەگەڵ بنەماڵەی ناوبراو پێیان ڕاگەیاندوون بڕیار وایە حەیدەر قوربانی ڕەوانەی تاران بکرێت و پێش لەوە بنەماڵەکەی دەتوانن چاویان پێبکەوێت.}

^{بە گوێرەی هەنگاو، لە دوای ئەوەی بنەماڵەی حەیدەر قوربانی سەردانی شاری سنە دەکەن کاربەدەستانی ئەمنی دەیانبەنە گورستانێک و پێیان ڕادەگەێنن کە ناوبراو لە سێدارە دراوە و لەو گورستانە نێژراوە.}

٢٠/١٢/٢٠٢١