(2).jpeg)
مامۆستایانی قوتابخانەکانی ڕۆژهه‌ڵاتی كوردستان بۆ سێهەم ڕۆژ، درێژە بە مانگرتن دەدەن.
ڕۆژی دووشە‌ممه ٢٢ی سەرماوەزی ١٤٠٠ی هەتاوی، مامۆستایانی بەشێک شاره‌كانی رۆژهه‌ڵاتی كوردستان بۆ جارێکی دیکە و لە سێهەم ڕۆژدا دژ به كه‌م‌بوونی مووچه و هه‌ڵاواردنی سیستماتیک له‌لایه‌ن كۆماری ئیسلامیی ئێرانه‌وه دژ به كۆمه‌ڵگای ڕۆژهه‌ڵاتی كوردستان، ده‌ستیان دایه مانگرتن و له ئاماده‌بوون له پۆلی خوێندن خۆیان بوارد.
بە پێێ سەرچاوە هەوالییەکان، مامۆستایانی قوتابخانەکانی شاری مەریوان هاوکات لەگەڵ بانگەوازی مانگرتنی گشتیی مامۆستایان لە ئێران و ڕۆژهەڵاتی کوردستان، لە سێهەم ڕۆژدا، بە کۆبوونەوە لەبەردەم ئیدارەی پەروەردە و بارهێنانی ڕێژیم لەو شارە، درێژەیان بە مانگرتن دا.
جێگای ئاماژه‌یه كه سه‌ره‌ڕای فیداکاری و تێكۆشانێكی زۆر و وه‌ک یه‌كێک له چینه كاریگه‌ره‌كان بۆ بونیادنانی كۆمه‌ڵگا، مامۆستایانی ئێران و کوردستان له هه‌لومه‌رجێكی سه‌خت و به داهاتێكی كه‌مه‌وه درێژه به كاره‌كانیان ده‌ده‌ن.
١٤/١٢/٢٠٢١
