^{گەورە دانوستکاری ئێران لە گفتوگۆکانی ڤییەنادا سەبارەت بە زیندووکردنەوەی ڕێکەوتنە ناوەکیەکەی نێوان ئێران و زلهێزەکانی جیهان وتی بەرەپێشچوون هەیە لە گفتوگۆکاندا، هاوکات بەڕیتانیاش وتی گفتوگۆکانی ڤییەنا " دوایین دەرفەتە لەبەردەم تاراندا مابێتەوە."}

^{ڕۆژی پێنجشەممە گفتوگۆکان سەبارەت بە زیندووکردنەوەی ڕێکەوتنە ناوەکیەکەی ساڵی 2015 ی نێوان ئێران و زلهێزەکانی جیهان دەستیپێکردەوە، کە لە ساڵی 2018 دا سەرۆکی پێشووی ئەمەریکا دانۆڵد ترامپ لێی کشایەوە و سەرجەم سزاکانی سەپاندەوە بەسەر ئێراندا.}

^{سەرۆکی ئەمەریکا جۆو بایدن ئاماژەی بەوەداوە ئامادەیە ئەمەریکا بگەڕێنێتەوە سەر ڕێکەوتنە ناوەکییەکە، بەڵام بەرپرسانی ئەمەریکا دەڵێن ئێران لە بەرەو پێشچوونەکانی خولەکانی پێشتری گفتوگۆکان لادەدات و هەوڵی بەدەستهێنانی کات دەدات.}

^{بەرپرسانی ئێرانیش بەردەوام دەڵێن جددین و پابەندی گفتوگۆکانن.}

^{گەورە دانوستکاری ئێران عەلی باقری بە دەزگای هەواڵی ئێرنای ئێرانی وت " دوو لایەنەکە لە خاڵی ڕێکەوتنن لەسەر بابەتەکان. بەرەوپێشچوونێکی ئەرێنی و گرنگ هەبووە، لە سەرەتای دەستپێکردنی گفتوگۆکاندا تەنانەت ڕێکەوتنیش نەبووە لەسەر ئەوەی گفتوگۆ لەسەر چی بابەتێک بکرێت."}

^{لێدوانەکانی باقری دوای ئەوە دێت وەزیرانی دەرەوەی وڵاتانی کۆمەڵەی حەوت وتیان کاتەکە خەریکە تەواو دەبێت بۆ ئێران تاوەکو لەسەر ڕێکەوتنێک ڕێبکەوێت.}

^{وەزیری دەرەوەی بەڕیتانیا لیز تڕەس وتی گفتوگۆکانی ڤییەنا " دوایین دەرفەتە بۆ ئێران تاوەکو بەشێوەیەکی جددیی بەشداری لە گفتوگۆکاندا بکات."}

^{سەرچاوە/ فرانس پرێس}

14/12/2021