^{دیبلۆماتکارێکی باڵای یەکێتی ئەوروپا وتی ڕۆژی پێنجشەممە گفتوگۆ ناوەکیەکان لەگەڵ ئێران لە ڤییەنا دەستپێدەکەنەوە.}

^{جێگری سکرتێری گشتی یەکێتی ئەوروپا ئێنریکێ مۆرا کە ڕابەرایەتی گفتوگۆکان دەکات وتی خولی حەوتەمی گفتوگۆکان سەبارەت بە دووبارە زیندووکردنەوەی ڕێکەوتنە ناوەکییەکەی نێوان ئێران و زلهێزەکانی جیهان ڕۆژی پێنجشەممە بەردەوام دەبێت، ئەوەش دوای " ڕاوێژکردنەکان لەنێو وڵاتەکاندا."}

^{هەفتەی ڕابردوو هەوڵەکان بۆ گەڕاندنەوەی ئێران بۆ سەر ڕێکەوتنە ناوەکییەکە شکستیان هێنا، ئەوەش دوای ئەوەی هەریەک لە فەڕەنسا و بەڕیتانیا و ئەڵمانیا کە بەشدارن لە ڕێکەوتنە ناوەکیەکەدا، نائومێدی خۆیان سەبارەت بە ئێران دەربڕی و وتیان " پاشگەز بۆتەوە لەو ئەنجامانەی کە لە گفتوگۆکانی پێشتردا پێی گەیشتوون."}

^{لە ساڵی 2018 دا سەرۆکی پێشووی ئەمەریکا دانۆڵد ترامپ لە ڕێکەوتنە ناوەکییەکەی ساڵی 2015 ی نێوان ئێران و زلهێزەکانی جیهان کشایەوە و سەرجەم سزاکانی سەپاندەوە بەسەر تاراندا، لەلای خۆشیەوە ئێران کۆمەڵێک لە بەرپرسیارێتیەکانی لە ڕێکەوتنەکەدا پشتگوێ خست. بەپێی ڕێکەوتنەکە، ئێران سنوورێک بۆ چالاکیەکانی بەرنامە ناوەکییەکەی دادەنێت و لەبەرامبەریشدا سزا نێودەوڵەتیەکانی سەر ئەو وڵاتە کەمدەکرێنەوە.}

^{سەرچاوە/ دەنگی ئەمەریکا}

9/12/2021