^{لە ماوەی ڕۆژانی ڕابردوو چوار ھاوڵاتی دیكە بە ناوەكانی لوقمان قادری، محەممەد جوجە، ھێمن ئەرزەن و شوعەیب مەحموودی لە لایەن ھێزە ئەمنییەكانی ئێرانەوە دەستبەسەر و بۆ شوێنێكی نادیار ڕاگوازراون.}

^{سێشەممە ٤ی خەزەڵوەر’ شوعەیب مەحموودی’ ٤٣ساڵ تەمەن كوڕی جافر خەڵكی گوندی میراو سەر بە شاری سنە وڕۆژی یەكشەممە ھێمن ئەرزەن كوری حسێن خەڵكی پیرانشار و ڕۆژی پێنجشەممە ٢٩ی ڕەزبەر لوقمان قادری كوڕی عەزیز خەڵكی پەسوێ دانیشتووی پیرانشار و ڕۆژی ھەینی ٣٠ی ڕەزبەر محەممەد جوجە خەڵكی پیرانشار دەستبەسەر كراون.}

^{بە پێی ئەو ھەواڵی كۆمەڵەی مافی مرۆڤی كوردستان، دەستبەسەری ئەم ھاوڵاتیانە لە لایەن ھێزە ئەمنییەكانەوە بە بێ نواندنی حوكمی قەزایی بووە.}

^{تا كاتی ئامادەكردنی ئەم ھەواڵە، ھیچ زانیارییەك لەمەڕ ھۆكاری دەستبەسەری و شوێنی ڕاگیرانی ئەم ھاوڵاتیانە بەدەستەوە نییە.}

٢٨/١٠/٢٠٢١