^{سیسیلیا هیمینس بڕیاردەری نەتەوە یەكگرتووەكان بۆ كاروباری ئاوارە ئاشكرای كرد، بەهۆی كێشمەكێشە چەكداریەكانەوە، لە جیهاندا 48 ملیۆن كەس ئاوارە بوون و ئەوەش ژمارەیەكی پێوانەیی نوێیە.
سیسیلیا هیمینس لە وتەیەكدا لە كۆبونەوەی لیژنەی سێی كۆمەڵەی گشتی نەتەوە یەكگرتووەكان وتی، ژمارەی ئەو كەسانەی ناچار بوون بەهۆی كێشمەكێشە چەكداریەكان و توندوتیژییەوە ماڵ و حاڵی خۆیان بەجێبهَڵن، گەیشتووەتە 48 ملیۆن كەس لە جیهاندا.
وتوشیەتی، ئەوەش گەورەترین ژمارەیە تۆمار كرابێت، جۆر و ئاڵۆزی كێشمەكێشە چەكداریەكان و توندوتیژیەكان بوونەتە هۆی ئەوەی سەخت بێت گرەنتی لەبەرچاو گرتنی حوكم و یاسا نێودەوڵەتیەكانی تایبەت بە مافەكانی مرۆڤ بكرێت.
بڕیاردەری نەتەوە یەكگرتووەكان بۆ كاروباری ئاوارە جەختی لەوەش كردووەتەوە، ئەگەری هەیە كێشمەكێش و توندوتیژیەكانی جیهان بەهۆی كارەساتە سروشتیەكانەوە زیاتر ببن و ببێتە هۆی ئاوارەبوونی خەڵكی زیاتر، ئەوەش سەرەڕای پەتای كۆرۆنا.}

٢٨/١٠/٢٠٢١