^{سازی چاپ و پەخشو زایەڵەی ”نوخشەو قەڵاو ژیواگای" جە نویستەی سابیر عەزیزی-ش چاپ و پەخش کەردەوە.}

^{نوخشەو قەڵاو ژیواگای، پەنجوومین بەرهەموو سابیر عەزیزی(یەرێ دەفتەرە شێعرێ) دووەمین کتێب داستان دماو (زەماوەندەو وەرمی)ن کە ساڵەو ١٣٩٨ی چاپ کریان، ئامانەنە دلێ کتێبخانەو هەورامانی.
جە ئی بارەوە نویسەرو کتێبەکەی سابیر عەزیزی زیانیاریش فەرەتەرش دان و ئاشکراش کەردەن:}

^{ئی کتێب داستانە بە تابیەتی داستانێ بوومیێ سەروو بنەماو ئەندیشەو داستان نویسی هەورامی نویسیان. جە کتێبەکەنە سەعیە کەریەنە وینگایە تازە و بە دوور جە ڕەوایەتی کلاسیک و سونەتی، ئەندیشەی داستان نویسی هەورامی مجیۆرە، وانەرە جیدیەکا و لایەنگیرە شازەکاو داستانێ هەورامیێ بارۆوە تەلێ. دلیگیر و ناوەرۆکوو ئی کتێبیە: ئەشناساو نویسەری پێسە داستان نویسی هەورامی، جە ئیدامەنە فرە کۆتا و کوڵ باسوو داستانێ کریان. حەوت داستانێ تایبەت بە مەحاڵوو هەورامانی کە جیاواز جە زوان و نویستەی هەورامیانە، تم و پەیڕەنگ و موزووع و فەزاو هەیکەلی... بوومی دلێ داستانەکانە حەکایەت جە گرفت و کێشە و کەم و کۆڕیە کۆمەڵایەتی و فەرهەنگی و ڕۆشنویری ... مەحالێ تایبەتی کەرا. تاوی واچی ئینە ئەوەڵین بەرهەمی داستانین کە جە مەحاڵوو کوردەوارینە بە شێوێ گردی بوومی نویسیان. وانەری پوختە وپەنەیاوا فرە ڕاحەت پەیش ئاشکرا بۆ کە ئی مەحاڵە کۆگەن؟ چەنی تەنگ و چەڵەمە تایبەتەکاش ئاشنا و نزیک بۆوە. همێد هەن ئا وینگایە بەرزە پەی هازەو ڕۆشنویری و گەشەو عەقڵیەتوو ڕۆی و ترۆقی پلۆرالیزمی... جە نویستەو ئی داستانانە وەرچەم بیەن، پێکیا بۆ و یاگێ ڕەزامەندی وانەرە ئازیزەکا بۆ .
هەرپاسە نویسەر ئاماژەش بەئانەیەدان؛ کتێبەکەش سەروو ئەرکوو ئێنتێشاراتوو زایەڵەی چاپ بیەن.}

21/10/2021