^{پاش سێ ساڵ و سێ ڕۆژ، لە سێیەمین ساڵڕۆژی لە سێدارەدانی "ڕامین حوسێن‌پەناهی" زیندانیی سیاسیی کورد، "محەممەد حوسێن‌پەناهی" ناوسراو بە (خاڵۆ میرزا)، باوکی ئەو زیندانییە سیاسییە ئێعدام کراوە، ماڵاوایی لە ژیان کرد.}

^{کەمپەینی ڕامین حوسێن‌پەناهی لە زاری ئەمجەد حوسێن‌پەناهی، چالاکی مافی مرۆڤ، بڵاوی کردووەتەوە کە "محەممەد حوسێن‌پەناهی" لە سێیەمین ساڵڕۆژی لە سێدارەدانی ڕامین، بەهۆی گوشار دەروونییەکان و هەوڵە بێوەچانەکانی ناوبراو بۆ دۆزینەوەی شوێنی ئەسپەردەکردنی جەنازەی ڕامین حوسێن‌پەناهی، تووشی بێهۆشیی درێژخایەن بووە و لە ژێر چاودێرئی پزیشکی دایە.}

^{پاش چەند ڕۆژ لەو پەیوەندییەدا، ئەو کەمپیەنە ڕۆژی ڕابردوو باسی لە گیانلەدەستدانی محەممەد حوسین‌پەناهی، لە نەخۆشخانەی "تەوحید"ی سنە کرد و لە هەمان کاتدا، ئەمجەد حوسێن‌پەناهی ڕایگەیاند: "وەزارەتی ئیتلاعات تەرمی باوکمیان لەو نەخۆشخانەیە ڕفاندووە و مەبەستیانە لە شەودا لە گوندی" قوروچای ئەسپەردەی خاک بکرێت".}

^{هەرووەها ئەو کەمپینە لە زاری سەرچاوەیەکی ئاگادار نووسیوویەتی: "هێزە ئەمنییەکان گوندی قوروچاییان گەمارۆ داوە و دەیانهەوێ بە شەو جنازە خاڵۆ میرزا ئەسپەردی خاک بکرێت، بەڵام خەڵک پێشیان بەو کارە گرتووە".}

^{هەروەها ئەمجەد حوسێن‌پەناهی لە گرتە ڤیدیۆیەکدا، داوای لە خەڵک ئەو ناوچەیە کردبوو کە بۆ پێشگرتن لە ناشتنی تەرمی خاڵۆ میرزا لە شەودا، بە هانای بنەماڵەکەیانەوە بچن.}

^{سەرەڕای هەوڵەکان بنەماڵەی حوسێن‌پەناهی و هاووڵاتییانی خەڵکی قورووچای، بۆ پێشگرتن لە ناشتنی تەرمی خاڵۆ مێرزا لە شەودا، هەوڵەکەیان بێئاکام ماویەوە و تەرمی خاڵۆ مێرزا لەو گوندە بە شەو ئەسپەردی خاک کرا.}

^{ڕۆژی شەممە ١٧ی خەرمانانی ساڵی ٩٧، ڕامین حوسێن‌پەناهی لەگەڵ لوقمان و زانیار مورادی، لە زیندانی ڕەجایی شاری کەرەج ئێعدام کران و هەتا ئێستا شوێنی ناشتنی تەرمەکانیان ڕوون نییە.}

١٧/٩/٢٠٢١