^{وەزیری بەرگری ئیسڕائیل بێنی گانتز وتی لەڕێی پەیوەندییەکی تەلەفونیەوە قسەی لەگەڵ سەرۆکی دەسەڵاتدارەتی فەڵەستینیەکان مەحمود عەباسدا کردووە و ڕێکەوتوون لەسەر پێویستیی گرتنەبەری ڕێوشوێن بۆ بونیادنانی متمانە لە نێوانیاندا.}

^{ئەمەش یەکەمین پەیوەندیی تەلەفونی ئاست بەرزی نێوان ئیسڕائیل و فەڵەستینیەکان بوو کە حکومەتە نوێیەکەی ئیسڕائیل ڕایبگەیەنێت.}

^{گانتز وتی بە بۆنەی جەژنی قوربانەوە پیرۆزباییشی لە عەباس کردووە.}

^{ئۆفیسی وەزیری بەرگری ئیسڕائیل لە بەیاننامەیەکدا وتی " گفتوگۆکان ئەرێنی بوون و هەردوولا ئاماژەیان بە پێویستیی گرتنەبەری ڕێوشوێنەکان کردووە بۆ بونیادنانی متمانە لە نێوان ئیسڕائیل و دەسەڵاتی فەڵەستینیەکاندا، کە ئەوەش بە سوود دەگەڕێتەوە بۆ دارایی و ئاسایشی سەرانسەری ناوچەکە."}

^{لەلای خۆیەوە ئۆفیسی سەرۆکی دەسەڵاتدارەتی فەڵەستینیەکان پەیوەندییە تەلەفونیەکەی پشتڕاست کردەوە، بەڵام ئاماژەی بە وردەکارییەکان نەدا.}

^{لەلایەکی دیکەوە سەرۆکی نوێی ئیسڕائیل وتی هەفتەی ڕابردوو لەگەڵ مەحمود عەباسدا قسەی کردووە و دواتر عەباس پیرۆزبایی لێکردووە لەسەر وەرگرتنی پۆستی سەرۆکی ئیسڕائیل.}

^{سەرچاوە/ ڕۆیتەرز}

21/7/2021