^{ئەنتۆنی بلینکن وەزیری دەرەوەی ئەمەریکا ڕۆژی هەینی هۆشداری دا کە نەبوونی ڕێککەوتنێکی کاتی بۆ چاودێریکردنی چالاکییە ناوەکییەکانی ئێران دەتوانێت وا لە ئەمەریکا بکات واز لە هەوڵەکانی دووبارە پەیوەستبوون بە ڕێککەوتنی ناوەکی بهێنێت .}

^{بلینکن لە میانەی کۆنفرانسێکی ڕۆژنامەوانی لە پاریس ڕایگەیاند " ئەمە نیگەرانییەکی ڕژدە." گوتیشی " ئەم نیگەرانییە لەگەڵ ئێراندا تاوتوێکراوە و پێویستە چارەسەر بکرێت".}

^{ئاژانسی وزەی ئەتۆمی نێونەتەوەیی گوتویەتی ڕێککەوتنی سێ مانگی کاتی کە لە 21 دوو ئەنجام درا بۆ چاودێری کردن ڕۆژی پێنجشەممە بەسەرچوو، پاش ئەوەی بۆ ماوەی مانگێکیش نوێ کرابووەوە. ئاژانسەکە دەڵێت لەگەڵ تاراندا لە گفتوگۆدایە بۆ ئەوەی ماوەکەی بۆ جاری دووهەم درێژ بکرێتەوە.}

^{بلینکن لە ماوەی سەردانەکەی بۆ پارسی لە میانەی گشتەکەیدا بۆ چەندین وڵاتی ئەوروپا، دانیبوەدانا کە ڕەنگە ئەمەریکا لە کۆتاییدا بڕیار بدات جارێکی تر نەچێتەوە نێو ئەو ڕێککەوتنە ئەگەر دانوستاندکاران لە ڤیەنا نەتوانن پێشوەچوون ئەنجام بدەن.}

^{ماوەی شەش هەفتەیە لایەنەکانەکانی ڕێککەوتنەکە لە گفتوگۆدان و شەشهەم خولی گفتوگۆ ناڕاستەوخۆکان لە ڕۆژی یەکشەممەی ڕابردوو کۆتاییپێهات لە کاتێکدا هێشتا گرفتە سەرەکییەکان چارەسەرنەکراون.
وەزیری وەزیری دەرەوەی فەرەنسا ژان ئیڤ لۆدغیان هۆشدارییەکەی بلینکنی دووپاتکردەوە و گوتی دەکەوێتە سەر ئێران وتووێژەکان بەرەوپێش ببات.}

^{لودغیان لە میانەی کۆنفرانسە ڕۆژنامەوانییەکەی ڕۆژی هەینی لەگەڵ بلینکن گوتی " ئێمە چاوەڕێی دەسەڵاتدارانی ئێران دەکەین بڕیاری قورسی کۆتایی بدەن تا ڕێگە خۆشکەن بۆ زیندووکردنەوەی ڕێککەوتنە ناوکییەکەی ساڵی 2015."}

^27/6/2021