^{وتەبێژی سکرتێری گشتی نەتەوە یەکگرتووەکان ڕایگەیاند سەرەڕای کشانەوەی ئەمەریکا و هاوپەیمانێتی ناتۆ لەم ساڵدا لە ئەفغانستان، نەتەوە یەکگرتووەکان بەردەوام دەبێت لە ئەرکە سیاسییەکەی بۆ یارمەتیدانی ئەفغانستان.}

^{وتەبێژی سکرتێری گشتی نەتەوە یەکگرتووەکان ستێفان دوجاریک لە وەڵامێکدا سەبارەت بە داهاتووی نێردەی نەتەوە یەکگرتووەکان لە ئەفغانستان دوای کشانەوەی ئەمەریکا و هاوپەیمانێت ی ناتۆ، وتی " ئەوە ئاشکرایە ئەم کشانەوەیە کاریگەری لەسەر سەرانسەری وڵاتەکە دەبێت." وتیشی " بەردەوام دەبین لە چاودێریکردنی ڕەوشەکە بەڵام کارەکانمان لە ئەفغانستان بەردەوام دەبێت."}

^{ئاماژەشی بەوەدا نەتەوە یەکگرتووەکان " ماوەیەکی زۆرە بەشداری لە بوارەکانی گەشەپێدانی مرۆیی دەکات لە ئەفغانستان، بەردەوام دەبین لەوێ بۆ یارمەتیدانی گەلی ئەفغانی." ئەوەشی خستەڕوو " نەتەوە یەکگرتووەکان خۆی لەگەڵ ڕەوشەکەدا دەگونجێنێت."}

^{نێردەی نەتەوە یەکگرتووەکان لە ئەفغانستان " ئۆناما " ئەرکێکی سیاسیی بچووکی هەیە بەبێ هێزەکانی ئاشتی پارێز.}

^{نزیکەی 1200 کارمەند لە نێردەی نەتەوە یەکگرتووەکان بۆ پێشکەشکردنی یارمەتی " ئۆناما " دا کاردەکەن، زۆربەیان ئەفغانین، هاوکات لەگەڵ نوێنەرە جیاوازەکانی دەزگاکانی نەتەوە یەکگرتووەکان لە وڵاتەکەدا، تێکڕای ئەندامانی نەتەوە یەکگرتووەکان دەگاتە نزیکەی هەزاران کەس، زیاتر لە سەدا 75 ی ئەندامەکانی ئەفغانین.}

^{دیبلۆماتکارێک کە نەیویست ناوی ئاشکرا بکرێت وتی " نێردەی نەتەوە یەکگرتووەکان ئەرکێکی سیاسیی تایبەتە، تەنها ئەرکێکی مەدەنی بچووک نیە، هەروەها ئەرکێکی سەربازیش نیە."}

^{ئاماژەی بەوەدا نێردەکە " لە بوارەکانی سەروەری یاسا و مافەکانی مرۆڤ و فەرمانڕەواییدا یارمەتی ئەفغانستان دەدات، وابڕیار نیە ئاسایش دابین بکات." وتیشی " دەبێت بۆ هەمووان ڕوون بێت ئەم کشانەوە جیهانییە لە ئەفغانستان ئەوە ناگەیەنێت نەتەوە یەکگرتووەکان شوێنی ئەمەریکا و هاوپەیمانێتی ناتۆ و ئەوانی دیکە دەگرێتەوە، ئەوە واقیعی نیە."}

^{سەرچاوە/ فرانس پرێس}

16/4/2021