^{عێراقچی: ڕاستەوخۆ یان ناڕاستەوخۆ لەگەڵ ئەمریکا دانوستان ناکەین}

^{عەباس عێراقچی لە وتووێژێکدا سەبارەت بە دانوستانی لەگەل ئێران وتی: "ڕاستەوخۆ یان ناڕاستەوخۆ لەگەڵ ئەمریکا دانوستانمان نییە."}

^{دوو ڕۆژێکی تر بڕیار وایە کە لە وییەن دانوستانی گەڕانەوە بۆ بەرجام بەڕێوەبچێت. عێراقچی هەروەها وتی ئێران لە وییەن لەگەڵ ئەو وڵاتانە دانوستان دەکات کە لە بەرجام دا ماونەتەوە و مەرجەکانی گەڕانەوە بە بەرجام بە ئەوان ناوترێت.}

^{ناوبراو مەرجی پێشووی ئێرانی دووبارە کردەوە و وتی: "سەرەتا ئەمریکا تەواوی بەڵێنە بەرجامییەکانی بەجێ بهێنێت و تەواوی گەمارۆکان لابات و پاشان ئێمە ڕاستییەکەی تاقی دەکەینەوە و دەگەڕێینەوە."}

^{عێراقچی ئەو قسانە لە کاتێک دا دەکات کە دوو ڕۆژ پێشتر، ١٣ خاکەلێوە، عەلی ئەکبەر ساڵحی، سەرۆکی ڕێکخراوی وزەی ناوەکی ئێران وتی کە دانوستانە ناوەکییەکان لە "بنبەست تێپەڕ بووە" و لایەنەکان ئەوەی کە "کێ هەنگاو یەکەم هەڵگرێیان تێپەڕ کردووە" و هەنووکە دانوستانەکانی پەیوەندی‌دار بە زیندوو کردنەوەی بەرجام چۆتە "ئاستی فەنی" یەوە.}

^{١٧ی خاکەلێوە دانوستانەکانی پەیوەندی‌دار بە بەرجام لە وییەن بەڕێوە دەچێت. بابەتی سەرەکی دانوستانەکە ڕاگرتنی گەمارۆکانی دژی ئێران و گەڕانەوەی ئێران بۆ بەڵێنە بەرجامەکانییەتی.}

٩/٤/٢٠٢١