^{ڕۆژی پێنجشەممە سەرچاوەیەک لە دیپلۆماتی فەڕەنسا ڕایگەیاند، ئێران لە ماوەی چەند ڕۆژی ڕابردوودا ئاماژەی پۆستیڤی داوە سەبارەت بە دەستپێکردنەوەی دیپلۆماسیەتی ناوکی و کردنەوەی گفتوگۆی نافەرمی .}

^{سەرچاوەکە بە پەیامنێرانی گوت " شتەکان بە ئاراستەیەکی ڕاستدا دەجوڵێن و لەم هەفتەیەدا و بە تایبەتی لەم چەند ڕۆژەی ڕابردوودا ئاماژەی نیشانەی پۆستیڤانەمان بەدیکردووە" .}

^{ئێران هەتا ئێستا ڕەتیکردۆتەوە بەشداری بکات لە وتووێژی نافەرمی لەگەڵ زلهێزانی جیهان و ویلایەتە یەکگرتووەکانی ئەمەریکا لەسەر زیندووکردنەوەی ڕێککەوتنە ئەتۆمییەکەی ساڵی 2015.}

^{ئاژانسی دەنگوباسی ڕۆیتەرز دەڵێت سەرچاوەکە ئاماژەی بەوەش کردووە هەوڵ دەدرێت هەتا نزیکەی نەورۆز بتوانرێت هەموان بۆ سەر مێزی گفتوگۆ ئامادە بکرێن.}

^{سەرچاوەکە ئەوەشی خستەڕوو کە زلهێزەکانی ئەوروپا بەریتانیا و فەرەنسا و ئەڵمانیا بڕیاریانداوە پێشکەشکردنی بڕیارێکی ڕەخنەگرتن لە ئێران بە ئاژانسی نێودەوڵەتی وزەی ئەتۆمی ڕابگرن بۆ ئەوەی دەرفەت بە دیپلۆماسی بدات و زیان بە ئەگەرەکانی کۆبوونەوەی نافەرمی ناوکی نەگەیەنێت .}

بەشی کوردی دەنگی ئامریکا

٥/٣/٢٠٢١