^{راپۆرتێک ئاشکرایدەکات، بەتەواوکردنی قۆناغی پیتاندنی یۆرانیۆم بەڕێژەی لەسەدا 20، ئێران لەسەدا 90-ی پرۆسەی بەرهەمهێنانی چەکی ئەتۆمی تەواودەکات.}

^{بەپێی راپۆرتێکی سکای نیوز، ئێران بەرەو بەدەستهێنانی چەکی کۆمەڵکوژی هەنگاوی باشی ناوە و سودی لەو دۆخەی ئێستای رێكه‌وتننامەی ئەتۆمیەکە وەرگرتوە بەتایبەت له‌دوای كشانه‌وه‌ی ئه‌مریكا له‌ساڵی 2017 له‌ رێكه‌وتننامه‌ ئه‌تۆمیه‌كه‌دا.}

^{بەگوێرەی راپۆرتەکە، پیتاندنی یۆرانیۆم به‌رێژه‌ی له‌سه‌دا 20 رێگا بە ئێران دەدات بەکاتێکی کەم چه‌كی كۆمه‌ڵكوژ و كڵاوەی ئه‌تۆمی بەدەست بێنێت.}

^{بەپشتبەستن بەچەند لێکدانەوەیەکی زانستی، دەستپێکردنەوەی چالاکییەکانی ئێران بۆ بەرهەمهێنانی یۆرانیۆمی پیتێنراو بەڕێژەی لەسەدا 20 دەتوانێت سوتەمەنی بۆ کارخانەکانی وزەی ناوەکی بەرهەمبهێنێت.}

^{بەهەمان شێوە، بەو هەنگاوەی ئێران لەسەدا 90-ی پرۆسەی بەرهەمهێنانی بۆمبی ناوەکی تەواوکردوە.}

^{رێكه‌وتننامه‌ی ئەتۆمی نێوان ئێران و وڵاتانی 5 کۆ یەک روبه‌ڕوی ئاسته‌نگی زیاتر ده‌بێته‌وه‌ به‌تایبه‌ت کشانەوەی ئه‌مریكا و پێشێلکاریەکانی ئێران لە بڕگەکانی ئەو ڕێکەوتننامەیە دواین پێشێلکردنی ئەو وڵاتەش بڕیاری دەستپێکردنەوەی پیتاندنی یۆرانیۆمە کە بۆ رێژەی لەسەدا 20 بەرزیکردەوە.}

7/1/2021