^{ڕۆژی سێشەممە ویلایەتە یەکگرتووەکانی ئەمەریکا کۆمپانیایەکی چینی کەرەستەی ستیل، 12 کۆمپانیای ستیل و کانزای ئێرانی و سێ بریکاری دەرەوەی فرۆشتنی کانزا گەورەکانی ئێران و کۆمپانیایەکی هەڵگری کانزایی ئێرانی خستە لیستی ڕەشەوە لە هەوڵێکدا بۆ بێبەشکردنی ئێران لە داهاتەکان لە کاتێکدا خولی سەرۆکایەتی سەرۆکی ئەمەریکا دانۆڵد ترامپ لە کۆتاییدایە.}

^{وەزارەتی خەزێنەی ئەمەریکا لە بەیاننامەیەکدا نێوی کۆمپانیای کایفینگ پینگمی ناسراو بە KFCC ڕاگەیاند و گوتی کە تایبەتە بە دروستکردنی ماددە کاربۆنییەکان و هەزاران تەن مەتری ماددەیان بۆ کۆمپانیاکانی پۆڵای ئێرانی لە نێوان مانگی 12 ی 2019 وە تا مانگی شەشی 2020 دابین کردووە.}

^{ئەو 12 کۆمپانیا ئێرانییەی تری کە خراونەتە لیستی ڕەشەوە بریتین لە کۆمپانیای ستیلی پاسارگاد و گیلان ستیل هەردووکیان لە فەرمانی سەرۆکایەتی 13871 دا دەستنیشان کراون.}

^{وەزیری خەزێنە ستیڤن منوچن لە بەیاننامەیەکدا دەشڵێت " بەڕێوەبەرایەتی ترامپ پابەندە بە ڕێگەگرتن لەو داهاتەی بۆ ڕژێمی ئێران دەڕوات لە کاتێکدا ئەو (ئێران) بەردەوامە لە پشتیوانی کردن لە تیرۆرسم، پشتیوانی کردن لە ڕژێمە سەرکوتکارەکان و هەوڵی بەدەستهێنانی چەکی کۆمەڵکوژ."}

7/1/2020