^{ڕۆژی پێنجشەممە ڕێکەوتی ٢٧ی سەرماوەزی ١٣٩٩ی هەتاوی، حەوت زیندانی سیاسی کورد بە ناوەکانی " محەمەد ئەمین قازی، کامیل ئەحمەدی خانلور، کوروش عەزیزی، یوسف ئەحمەدی، ئەبووبەکر میناپاک، تەیب بامروت و مغدید محەمەدزادە" بە شێوەی مەرجدار لە زیندانی شاری شنۆ ئازاد کران.}

^{ئەم حەوت زیندانییە سیاسییە لە ماوەی بەسەر بردنی حووکمەکەیاندا دووجار، بە پێەوە هەڵواسینی کەلەپچەی ئێلێکترۆنیکی، لە زیندانی شاری شنۆ ئازاد و پاشان ڕەوانەی زیندان دەکرانەوە.}

^{ئەم حەوت زیندانییە سیاسییە کوردە لە دەورووبەری مانگی بەفرانباری ١٣٩٨ی هەتاوی، بۆ جێبەجێ کردنی حوکمەکەیان بۆ زیندانی شاری شنۆ گواسترانەوە.}

^{مانگی خەرمانانی ١٣٩٨ی هەتاوی، ئەم حەوت زیندانییە سیاسییە کوردە هەرکامیان بە تاوانی "هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ئێران" لە لایەن دەزگای دادی گشتی ئینقلابی شاری شنۆوە بە ئاماژە بە تێبینییەکانی ئیدارەی ئیتلاعاتی ئەم شارە و بە لێکۆڵینەوەی دادوەر، ماوەی چوار ساڵ لەبەند کردنیان بەسەردا سەپا.}

سەرچاوە: ئاسۆی رۆژ

٢٥/١٢/٢٠٢٠