^{سەرۆکى ویلایەتە یەکگرتووەکانى ئەمەریکا رایدەگەینێت؛ ئەگەر دەستەى هەڵبژاردن پەسەندى هەڵبژاردن بکەن ئامادەیە دەسەڵات رادەست بکات، دەشڵێت: ئەگەر ئەوەش بکەن هەڵەیان کردوە.}

^{دۆناڵد ترەمپ، سەرۆکى ویلایەتە یەکگرتوەکانى ئەمەریکا، رایگەیاند: ئەگەر دەستەى هەڵبژاردن دەرچونی جۆ بایدنیان پەسەند کرد، ئەوا كۆشكى سپى جێدەهێڵم.}

^{ترەمپ، لە کاتى بەشداريكردن لە پێشانگايەك كە بەهۆى جەژنى سوپاسگوزاريەوە لە واشنتۆن رێکخرابو بە رۆژنامەنوسانى وت: بە دڵنياييەوە دەڕۆم و ئێوەش ئەوە دەزانن، بەڵام پێموايە چەند شتێكى زۆر لە نێوان ئێستا و ڕۆژى (10)ى كانونى دووەم روودەدەن و ئەگەر دەستەى هەڵبژاردن دەنگ بە جۆ بايدن بدەن ئەوا دەڕۆم.}

^{جەختیش دەکاتەوە لەوەى، ئەگەر دەستەى هەڵبژاردن بڕیار لەسەر سەرکەوتنى بایدن بدەن ئەوا هەڵەيان كردوە.}

^{هەروەک، رەخنەى توندى لە سیستمى دەنگدان و هەڵبژاردنى ئەمەریکا گرت و باسى لەوەکرد، ژیرخانى دەنگدان و هەڵبژاردن لە ئەمەریکا هاوش[وەى وڵاتانى جیهانى سێهەمە.}

^{ئەو قسانەى ترەمپ ئاماژەیەکى رونە بۆ داننان بەشکست و رادەستکردنى دەسەڵات، چونکە پێشتر چەندین جار رایگەیاندبو سەرکەوتنى بەدەستهێناوە و ئەنجامەکان بەهۆى ساختەکارییەکانەوە گۆڕاون.}

^{بەپێى دواهەمین ئەنجامى هەڵبژاردنەکانى ویلایەتە یەکگرتووەکانى ئەمەریکا، جۆبایدن کاندیدى دیموکراتەکان بە کۆکردنەوەى (306) کورسى سەرۆکى داهاتوى ئەمەریکایە و دۆناڵد ترەمپیش بە بردنەوەى (232) کورسى توشى شکست هات و نەیتوانى بۆ خولێکى دیکەى بەرگرى لە کورسییەکەى بکات و ببێتە دڵخوازى ئەمەریکییەکان.}