^{"سەعید ئێقباڵی" چالاکی مەدەنی خەڵکی کرماشان، ٧٠لەسەدی پەردەی گوێ ڕاستی بە هۆی ئەشکەنجە لە کاتی دەستبەسەرکردنا دڕاوە و ئێستا تووشی ئێلتهاب و ئێشێکی زۆر بووە و بەرپرسانی زیندان ئیزنی دەرمانی پێنادەن.}

^{ناوبراو لە جۆزەردانی ئەمساڵەوە لە زیندانە و دوکتورەکانی زیندان ٤جار بڕیاری ناردنی بۆ خەستەخانەیان داوە، بەڵام بەرپرسان ئیزنی دەرمانی پێ نادەن و دوێنێ بێهیاری زیندان ڕایگەیاندووە کە ئێلتێهابی زۆرە و بە مەغزی دەگات، لە ئەگەری دەرمان نەکردنی گوێ ڕاستی کەڕ دەبێت.}

^{ناوبراو خەرمانانی ٩٨ی هەتاوی لە لقی ٢٨ی دادگای شۆڕشی تاران بە سەرۆکایەتی قازی "مۆقەییسە" بە تۆمەتی بەشداری لە کۆبوونەوە بە دژی ئاسایشی نەتەوەیی، حوکمی ٥ساڵ زیندانی تەعزیری و هەروەها بە تۆمەتی چالاکی تەبلێغی دژی نیزام، حوکمی ١ساڵ زیندانی بەسەردا سەپا و لە ڕۆژی یەکشەممە ١١ی جۆزەردانی ١٣٩٩ی هەتاوی بۆ تێپەڕ کردنی حوکمی زیندانی ٥ساڵە دەستبەسەر بۆ زیندانی ئەوین گواسترایەوە.}

28/10/2020