^{مهاباد قەرەداغی چالاکوانی مافەکانی ژن، نوسەر و شاعیری بەناوبانگ ڕۆژی هەینی لە تەمەنی 54 ساڵیدا بەهۆی نەخۆشی کۆچی دوایی کرد.}

^{سەرچاوەکان لە هەرێمی کوردستانەوە ئاماژە بەوە دەکەن خاتو قەرەداغی بەهۆی نەخۆشی کۆرۆناوە لە شاری هەولێر کۆچی دوایی کردووە.}

^{سەرۆکی حکومەتی هەرێمی کوردستان مەسرور بارزانی پەیامێکی سەرەخۆشی بەبۆنەی کۆچی دوایی ئەو شاعیرەوە ڕاگەیاندووە و دەڵێت "بە داخێکی زۆرەوە ، هەواڵی کۆچی دوایی نووسەر و شاعیر ، خاتوو (مەهاباد قەرەداغى)م بیست. خاتوو مەهاباد ، ڕۆشنبیرێکی نیشتمانپەروەر و بە هەڵوێست بوو. پرسە و سەرەخۆشی لە بنەماڵە بەڕێزەکەی دەکەم . خوای گەورە گیانی بە بە هەشت شاد بکات و ئارامییش بە کەسوکار و هاوڕێیانی ببەخشێت."}

^{مهاباد قەرەداغی لە ساڵی 1966 لە قەزای کفری لە دایک بووە. له‌ بواری میدیا، شیعر، ئه‌ده‌ب، پرسه‌كانی توندوتیژی و مافی ژناندا كاریكردووه‌ و چه‌ندین به‌رهه‌می شیعر، ڕۆمان و چیرۆکیبڵاوكردووه‌ته‌وه.}

12/10/2020