^{هاوڵاتییەکی خەڵکی شاری ســنە لە لایەن هێزە ئیتلاعاتییەکانەوە دەستبەسەر و بۆ شوێنێکی نادیار ڕاگواسترا.
بە پێی هەواڵی ماڵپەڕی خۆڕاگری، (ئەنجومەنی زیندانییە سیاسییەکانی ڕۆژهەڵاتی کوردستان)ڕۆژی چوارشەممە ٩ی ڕەزبەری ٩٩ ی هەتاوی “میلاد وەیسی”، هاوڵاتی خەڵکی شاری ســنە لە لایەن هێزە سەرکوتکەرەکانی ڕێژیمەوە دەستبەسەر و بۆ شوێنێکی نادیار ڕاگوێزرا.
بە پێی سەرچاوەکانی باوەڕپێکراو، کاتی دەسبەسەر کردنی ناوبراو هێزەکانی ڕێژیم بێڕێزییان پێکردووە وئەشکەنجەیان داوە.
شایانی باسە کە دەسبەسەرکردنی میلاد لە لایەن هێزەکانی ئیتلاعاتی ڕێژیمەروە وەکوو هەزاران لاوی دیکەی کورد بە بێ هیچ بەڵگەیەکی یاسایی و دادوەریی بووە.}

^{جێگای ئاماژەیە کە بنەماڵەی وەیسی سەردانی ناوەندە ئیتلاعاتی و قەزاییەکانی ئەو شارەیان کردووە بەڵام نەیانتوانیووە لەشوێنی ڕاگیران و هۆکاری دەسبەسەر کردنی کوڕەکەیان هیچ زانیارییەک بەدەست بێنن.
پێشتریش میلاد وەیسی ساڵی ١٣٩٨ بۆ ماوەی ٥ مانگ دەسبەسەر و پاش تەواوبوونی لێپرسینەوە بە دانانی بارمتەی ٦٠٠ ملوێن تمەنی بە شێوەی کاتیی ئازاد کرابوو.}