^{"موژگان کاووسی" خەڵکی شاری کەلاردەشت کە لە زیندانی ئەوینی تاران دا، ماوەی حوکمەکەی تێپەڕ دەکات بۆ ١١هەمین ڕۆژ درێژەی بە مانگرتن لە خورادن دا.}

^{بە پێ ڕاپۆرتی ڕێکخراوی مافی مرۆڤی هەنگاو، "کاووسی" ڕۆژی سێشەممە ۱۱ی خەرمانانی ۱۳۹۹ی هەتاوی، بە هۆی ئەوی کە داواکارییەکەی بۆ وەرگرتنی مەرخەسی ڕەد کراوەتەوە و هەروەها بەهۆی جیاکاری جینسی لەلایەن بەرپرسانی زیندانەوە، ئیزنیان نەداوەتێ لەگەڵ بنەماڵەکەی پەیوەندی بگرێت و نارەزایەتی خۆی دەربریوە و مانی لە خواردن گرتووە.}

^{جێی ئاماژەیە لە زیندانی ئەوین، کاتی دیاری کراو بۆ پەیوەندی گرتن لەگەڵ بنەماڵە بۆ ژنان و پیاوان جیاوازی هەیە و بەرپرسانی زیندان تا ئێستا هیچ وەڵامێکییان بۆ داخوازی زیندانییانی ژن نەداوەتەوە و بەم هۆیەوە "موژگان کاووسی" بە بەردەوامی درێژەی بە مانگرتنەکەی داوە.}

^{ناوبراو ڕۆژی دووشەممە ۲۷ی خەزەڵوەری ١٣٩٨ی هەتاوی، لە لایان هێزە ئەمنییەکانی شاری نووشار لە ئۆستانی مازەندەران دەستبەسەر کرا و پاش ماوی یەک مانگ بە بارمەتەی ۱۰۰ میلیون تمەنی بە شێوەی کاتی ئازاد کرا.}

^{بە پێی حوکمی دادگا "موژگان کاووسی" بە تۆمەتی "ئەندام بوون لە حیزبێکی کوردستانی" بۆ ماوەی ٣٣ مانگ زیندان، "پڕۆپاگەندا و ئاژاوەگێڕی دژی کۆماری ئیسلامی" بۆ ماوەی ٣٦ مانگ زیندان و هەروەها "بانگەشە دژی نیزام" بۆ ماوەی ٧ مانگ و ١٥ ڕۆژ زیندانی، بەسەردا سەپا.}

^{""موژگان کاووسی" ڕۆژی دووشەممە ٣٠ی گوڵانی ١٣٩٩ی هەتاوی، بە مەبەستی جێ بە جێ بوونی ماوەی حوکمەکەی دەستبەسەر کرا و ڕۆژی چوارشەممە ۲ی پووشپەڕی ۱۳۹۹ی هەتاوی، لە زیندانی ناوەندی شاری نووشار لە ئۆستانی مازەندەران بۆ زیندانی ئەوینی تاران گوێزرایەوە .}

١٤/٩/٢٠٢٠