^{چوار کۆڵبەر لە سنوورەکانی سەردەشت و پیرانشار بە تەقەی ڕاستەوخۆی هێزە چەکدارەکانی کۆماری ئیسلامی کوژران.}

^{بە پێی ڕاپۆڕتی سەرچاوە خۆجێییەکان، سەر لە بەیانی ڕۆژی چوارشەممە ١٢ی خەرمانانی ١٣٩٩ی هەتاوی، هێزەکانی کۆماری ئیسلامی لە سنوورەکانی "قەڵاڕەشی سەردەشت" هێرشییان کردە سەر کاروانێک کۆڵبەر و لە ئاکامدا سێ کۆڵبەر کوژران.}

^{شۆناسی ئەو سێ کەسە بریتییە لە؛ "زانست حەسەن نژاد" تەمەن ٢٥ ساڵ، "زانکۆ ئەحمەدی" تەمەن ٢٢ ساڵ و "سرووش ملکاری".}

^{لە لایەکیترەوە، هێزەکانی سپای پاسداران لە سنوورەکانی زێوە سەر بە شارستانی پیرانشار هێرشییان کردوەتە سەر کاروانێک کۆڵبەر و شارۆمەندێکی کورد بە شۆناسی "جەلال خزری" بووەتە ئاکامی تەقەی ڕاستەوخۆیان و کوژراوە.}

^{بە پێی ئاماری تۆمار کراو لە مانگی ئاگۆستی ئەمساڵەوە ٣١ کۆڵبەر کوژراون و بریندار کراون.}

4/9/2020