^{سەرۆکی ڕێکخراوی تەندروستی جیهانی وەها پێشبینی دەکات ژمارەی قوربانیانی پەتای کۆرۆنا لەم هەفتەیەدا بەرزببێتەوە بۆ 20 ملیۆن توشبوو بەم پەتایە و هەروەهاش گیان لەدەستدانی نزیکەی 750 هەزار کەس.}

^{تێدرۆس ئێدهانۆم لە کۆنفرانسە ڕۆژنامەوانییەکەی ئەمڕۆ دووشەممەیدا وتی "لە نێو ئەم ئامارانەدا بڕێکی زۆری ئازار و مەینەتی هەیە." و دەشڵێت "بەڵام هێشتا چرۆی سەوزی هیوا ماون" لەگەڵ ڕەچاوکردنی قۆناغەکانی بڵاوبوونەوەی نەخۆشییەکە لە وڵاتێک یان لە ناوچەیەکدا.}

^{لەو کۆنفرانسە ڕۆژنامەوانیەیدا، سەرۆکی ڕێکخراوی تەندروستی جیهانی هیچ ستراتیژیەتێکی نوێی نەخستە ڕوو بۆ لەناوبردن و بەرەگاربوونەوەی کۆڤید 19، بەڵام ئەوەی دووپات کردەوە کە "پێویستە ڕێبەران، هەنگاوی بەرەوپێش بنێن بۆ جێبەجێکردنی ڕێنوماییەکان و لەسەر هاوڵاتیانیش پێویستە ڕێوشوێنی نوێیان هەبێت بۆ خۆپاراستن لەم پەتایە."}

^{ئێدهانۆم، ئاماژەی بە وڵاتی نیوزیلاند کرد و بە نمونەیەک ناودێری کرد کە پێویستە وڵاتانی جیهان وەک نیوزیلاند بکەن.}

^{نیوزیلاند لەم ماوەیەی ڕابردوودا، ئاهەنگی گێڕا بەهۆی ئەوەی 100 ڕۆژە ڤایرۆسی کۆرۆنا لە ناوخۆی وڵاتەکەدا نەیتوانیوە بڵاوببێتەوە.}

^{هەروەها تێدرۆس ئێدهانۆم ئاماژەی بەوەش کرد، ئەو ڕێوشوێنانەی وڵاتەکان، لەوانە بەریتانیا و فەڕەنسا گرتویاننەتە بەر، وەک ستراتیژیەتی بەکارهێنانی دەمامک و داخستنی بە ئامانج، بە نمونەیەکی باش و گونجاو ناودێری کردن لەو ستراتیژیەتانەی بەکاردەهێنرێن بۆ بەرەنگاربوونەوەی بڵاوبوونەوەی زیاتری پەتاکە.}

10/8/2020