^{لە درێژەی کۆبوونەوە ناڕەزایەتییەکان لە کوردستان و ئێراندا، خەڵکی ناوچەی "پشتەنگـ"ـی سەر بە "سەرپێڵ زەهاو" لەهەمبەر بێکاریی و نەبوونی خزمەتگوزاری ناڕەزایەتییان دەربڕی.}

^{ڕۆژی پێنجشەممە ٩ی گەلاوێژ، خەڵکی ئاوایی "ئەلیاسی" سەربە ناوچەی "پشتەنگـ"ـی سەرپێڵ زەهاو بەنیسبەت بارودۆخی نالەباری ژیان، نەبوونی ئیمکانات، خزمەتگوزاری و کەمئاوی لەبەردەم بینای فەرمانداریی ئەو شارەدا کۆبوونەوەی ناڕەزایەتییان بەڕێوە برد.}

^{ناوچەی "پشتەنگ" ناوچەیەکی بێبەشە و خەڵکی ئەو ناوچەیە بۆ ماوەی ١٥ ساڵ لە دوای شەڕی ئێران و عێراق ئاوارە بوونە و لە بوومەلەرزەکەی ساڵی ٩٦دا هەموو ئاواییەکانی ئەو ناوچەیە بە تەواوی وێران بوو.}

^{ئەمە لەحاڵێکدایە کە لەلایەن هیچ بەرپرسێکی ڕێژیمەوە ئاوڕێکیان لێ نەدراوەتەوە و لە خراپترین بارودۆخی ژیاندان.}

^{لە ئاوایی "ئەلیاسی" ڕێژەی خوێندەواریی لە ئاستێکی زۆر نزمدایە و لەو بوارەدا ڕێژیم هیچ هەوڵێکی بۆ خوێندەوارکردنی ئەو ناوچەیە نەداوە.}

^{لەو ناڕەزایەتییەدا خەڵک باسیان له بێئاوی کردووە کەچی ئاوی ئەو ناوچەیە بۆ ئیلام و خووزستان ڕاگوێزراوە و لە ئاوی ناوچەی خۆیان بێبەرین.}

^{هەروەها بێکاری لەو ناوچەیەدا خەڵکی ناچار کردووە کە بۆ شارەکانی تاران و کەرەج کۆچ بکەن و لە پەراوێزی ئەو شارانەدا نیشتەجێ بن.}

^{هەرچەند خاكی ناوچەی "پشتەنگ" بەپیت و خاوەن زەوی و زارێکی زۆرە بەڵام بێئاوی و نەبوونی خزمەتگوزاری خەڵکی ناوچەکە ناتوانن کاری لەسەر بکەن.}

31/7/2020