(2).jpeg)
هێزەکانی ئیتلاعاتی کۆماری ئیسلامیی ئێران لە شاری کرماشان هاووڵاتییەکی ئەم شارەیان بە ناوی خەلیل حوسێنی دەسبەسەر کرد.
ڕۆژی دووشەممە ٣٠ـی پووشپەڕی ٩٩ی هەتاوی، هاووڵاتییەکی کورد بە ناوی “خەلیل حوسێنی” دانیشتووی کرماشان، لە لایەن هێزە ئیتلاعاتییەکانی ئەم شارەوە دەسبەسەر کرا و بۆ شوێنێکی نادیار گوێزرایەوە.
شایانی باسە دەسبەسەرکردنی خەلیل حوسێنی هەر وەکوو زۆربەی دەسبەسەرکردنەکانی دیکە لە کوردستاندا بەبێ بەڵگە و تەنیا لەبەر دەربڕینی بیر و بۆچوونی خۆی بووە و، سەرەڕای بەدوادا چوونی زۆری بنەماڵەکەشی، هەتا ئێستاش هێزە ئیتلاعاتییەکان لە دانی هەر جۆرە وڵامێکی ڕوون سەبارەت بە چارەنووس و شوێنی ڕاگیرانی خۆیان بواردوە.
جێگای ئاماژەیە ئەو هاووڵاتییە کوردە چەند ڕۆژ پێش لە کورتە ڤیدیۆیەکدا سەبارەت بە ئێعدام‌کردنی دوو زیندانیی سیاسیی کورد لە زیندانی ورمێ و هەروەها سەپاندنی سزای ئێعدام بەسەر سێ کەس لە ناڕازییەکانی خۆپیشان‌دانەکانی مانگی خەزەڵوەری ساڵی ٩٨ـی هەتاوی ناڕەزایەتیی دەربڕیبوو.
٢٥/٧/٢٠٢٠
