^{١٠ هاووڵاتیی خەڵکی بانە بە ناوەکانی "سەردار ئەمین ‌پوور، موحسێن قادری، بەرزان ڕەحیمی، ئازاد مەحموودزادە، شارام ساڵحی، یاسین عوسمانی، عێزەت ئەحمەدی، ئاکام ئەحمەدی، ڕێبوار ساڵحی و مێهدی ئەرخەوانی"، لەلایەن دەزگای دادوەریی حکوومەتی ئێرانەوە بە ٣٠ مانگ زیندان، لێدانی ٢٥٠ قامچی و دانی ٢٥٠ ملیۆن تەمەن سزا دران.}

^{ئەو ١٠ هاووڵاتییە کوردە بە تۆمەتی "بەشداری لە کۆبوونەوەی ناڕەزایەتیی خەرمانانی ساڵی ٩٦، لەهەمبەر کوژرانی کۆڵبەران لە بەرانبەر فەرمانداریی ئەو شارە"، هەر کامیان بە ٣ مانگ زیندان، لێدانی ٢٥ زەربە قامچی و ٢٥ ملیۆن تمەن جەریمە مەحکووم کراون.}

^{ڕۆژی سێشەممە ١٤ی خەرمانانی ساڵی ٩٦، پاش کوژرانی دوو کۆڵبەری کوردی خەڵکی بانە لەلایەن هەنگی سنووریی ئەو شارەوە، هاووڵاتییانی بانەیی بە نیشانەی ناڕەزایەتی دەربڕین، دووکان و بازاڕەکانیان داخست و هێرشیان کردە سەر بینای فەرمانداری و بەشێک لە فەرمانداری و هەروەها ماشینی فەرمانداریی ئەو شارەیان ئاگر تێبەردا.}

^{ڕێکەوتی ١٣ی خەرمانانی ساڵی ٩٦، دوو کۆڵبەری خەڵکی بانە بە ناوەکانی "حەیدەر فەرەجی" تەمەن ٢١ ساڵ خەڵکی گوندی "شەشە" و "قادر بارامی" تەمەن ٤٥ ساڵ خەڵکی گوندی "وزمەڵە" بە تەقەی هێزە نیزامییەکانی حکوومەت گیانیان لەدەست دا.}

25/7/2020