^{“زارا محەممەدی”، مامۆستای زمانی کوردی لە شاری سنە لە لایەن دەزگای دادوەری حکوومەتی ئێرانەوە حوکمی ١٠ ساڵ بەندکرانی بە سەردا سەپا.}

^{زارا محەممەدی بەرپرسی ئەنجومەنی فەرهەنگی- کۆمەڵایەتیی”نۆژین” و یەکێک لە مامۆستایانی زمانی کوردی، دوای ٧ مانگ لە ئازاد کرانی کە بە شێوەی کاتی ئازاد کرا بوو، لە لایەن لقی یەکی دادگای شۆڕشی سنە و بە سەرۆکایەتیی دادوەر سەعیدی، بە تۆمەتی “پێک‌هێنانی گرووپ بە مەبەستی تێک‌دانی ئاسایشی گشتیی وڵات”، حوکمی ١٠ ساڵ بەندکرانی بە سەردا سەپا.}

^{جێی ئاماژەیە، ڕۆژی سێشەممە ٢٤ی پووشپەری ٩٩ی هەتاوی ئەو حوکمە بە پارێزەری زارا بە ناوی دوکتور عەبدوڵڵاهی ڕاگەیەندراوە.}

^{زارا محەمەدی، ڕۆژی پێنج شەممە ٢ی جۆزەردانی ٩٨ـی هەتاوی لە لایەن هێزەکانی ئیدارەی ئیتلاعات لە ماڵەکەی خۆی لە شاری سنە دەستبەسەر کرا و ڕۆژی دووشەممە ١١ی سەرماوەزی هەمان ساڵ بە دانانی بارمتەی ٧٠٠ میلیۆن تمەنی و بە شێوەی کاتی ئازاد کرا بوو.}

^{زارا محەممەدی، خەڵکی “سەرواڵە”ی شاری دێولان سەر بە پارێزگای سنەیە و بڕوانامەی کارناسیی باڵای ژێئۆپۆلێتیکی هەیە و ماوەی چەند ساڵێکە لە ئاواییەکانی دەوروبەری سنە و نێو شاری سنە وانەی کوردی دەڵێتەوە و یەکێک لە دامەزرێنەرانی ڕێکخراوی فەرهەنگی-کۆمەڵایەتیی نۆژین لە شاری سنە بوو.}

^{شایانی باسە، زارا محەممەدی لە کاتێکدا ئەو سزایەی بە سەردا سەپێندراوە کە ناوبراو تەنیا خەریکی وتنەوەی وانەی زمانی کوردی و بەڕێوە بردنی چالاکیی فەرهەنگی و ئەدەبی بۆ خزمەت کردن بە نیشتمانەکەی بوو.}

١٦/٧/٢٠٢٠