^{رێكخراوی تەندروستیی جیهانى رایدەگەیەنێت، مه‌ترسی ڤایرۆسى کۆرۆنا‌ وەك دوژمنی ژمارە یەكی خەڵك درێژه‌ی هه‌یه‌، دشڵێت: ئەگەر بنەما سەرەكییەكان بەدواداچوونی بۆ نەكرێت، ئەم پەتایە تا دێت خراپتر دەبێت، لە خراپ خراپتر دەبێت.}

^{د.تێدرۆس ئادناهۆم به‌ڕێوه‌به‌ری گشتیی رێكخراوی تەندروستیی جیهانی ئاشكرای دەکات، حاڵەتەكانی ڤایرۆسی كۆرۆنای نوێ لە چەند وڵاتێكدا بە شێوەیەكی ترسناك لە هەڵكشاندایە.}

^{وتیشى: "ئەگەر راشكاو بین زۆر لە وڵاتەكان بە ئاڕاستەیەكی هەڵەدا ده‌چن، مه‌ترسیی ڤایرۆسەكه‌ وەك دوژمنی ژمارە یەكی خەڵك درێژه‌ی هه‌یه‌ و ئەگەر بنەما سەرەكییەكان بەدواداچوونی بۆ نەكرێت، ئەم پەتایە تا دێت خراپتر دەبێت، لە خراپ خراپتر دەبێت".}

^{ئاماژەی بەوەكرد، مەترسی گەورەیان هەیە لە بارەی ڤایرۆسەكەوە و تیشكی خسته‌سه‌ر ئه‌وه‌ش كه‌ سەرجەم وڵاتان لە ژێر مەترسیدان و بە یەكسانی كاری تێكردوون.}

^{به‌ڕێوه‌به‌ری گشتیی رێكخراوی تەندروستیی جیهانی دەڵێت: "دەمەوێت راستگۆبم لەگەڵتان؛ له‌ داهاتوویەكی پێشبینیكراودا گەڕانەوە بۆ 'ئاساییبوونەوەی كۆن' روونادات، بەڵام نەخشەرێگایەك هەیە بۆ بەردەوامیدان بە ژیان لە رێگەی كۆنترۆڵكردنی پەتاكەوە".}

16/7/2020