^{بە پێی هەوالی ماڵپەڕی کۆمەڵەی مافی مرۆڤی کوردستان: چوارشەممە ۱۱ پووشپەڕی ۲۷۲۰ کوردی، هێزەکانی ئیتلاعاتی کۆماری ئیسلامی ئێران بە بەڕێوەبردنی چەند هەڵمەتی جیاواز سێ شارومەندیان لەشاری مەهاباد دەستبەسەر کرد. ناوی سێکەسەکە:
۱- سۆران مووختاری‌فەر، خەڵکی گوندی “حاجی خۆش” سەر بە شاری مەهاباد.
۲- سۆران نەسیری، خەڵکی گوندی “گوێگ تەپە” سەر بە شاری مەهاباد.
۳-ئومێد عەباسی، خەڵکی گوندی “ئیندرقاشی” سەر بە شاری مەهاباد.
بەپێی زانیاریەکان: ئەو سێ هاووەڵاتیە لە لایەن هێزەکانی ئیدارەی ئیتلاعاتی کۆماری ئیسلامی ئێران لە چەند هەڵمەت و کاتی جیاواز و هەروەها لە چەند شوێنی جیاواز دەستبەسەر کراون و بۆ شوێنێکی نادیار گوازراونەوە.
جێی ئاماژەیە کە تا ئەم کاتە هیچ زانیاریێک لەسەر هۆی دەستبەسەرکردن و شوێنی گواستنەوەی ئەم سێ کەسە لەبەر دەستدا نیە.}

^{شیاوی باسە کە: دامەزراوە ئەمنییەکانی ئێران لەسەرەتای سالی نوێی هەتاویەوە، لە پەڕاوپەڕی ڕۆژهەڵاتی کوردستان شەپۆلێکی بەرین لە دەستبەسەری ڕەمەکی و بڕینەوەی حوکمی قورس بۆ گەنجانی ئەم بەشە لە کوردستان وەگەڕ خستووە کە زۆرینەیان بە تۆمەتگەلی بێ بنەما و پڕوپووچە و هەروەها زۆرێنەی دەستبەسرکردنەکان لەگەل لێدان و ئازار و بێحورمەتی بەڕێوە دەچێت.}

٣/٧/٢٠٢٠