^{جە زادگاو وێشان تەرمێ ٣ شەهیدەکێ هەورامانی شکۆمەندانە و سەرهۆرداۍئاسا بە واتەی "شەهید نمرۆنە“ ئەسپەردێ کریێ.}

^{دمابەدامای ئانەیە کە وێرەگاو یەک شەممەی، هەر یەرە چالاکوانێ و ژیوگەپارێزێ هەورامانی موختار خەندانی خەڵکو شارچەو نوسوڎێ، یاسین کەریمی خەڵکو دەگاو شمشێری و بیلال ئەمینی ئێناخی ئەرەنیشتەو پاوەی جە ساتەوەختو ئەوەکوشنای ئێرو دارستانەکانو بوزینی و مەڕەخێڵ-ی گیانشان بەخشا، تەرمەکێشان بریوە پاوە شار و بە مەراسیمی جەماوەری شکۆمەند پێشوازیشان ونە کریا و سەرهۆرداۍئاسای و بە واتەی دروشمێ چوون ”شەهید نمرۆنە، تۆڵەتان بکەرمێوە“ تەرمەکێشان ڕەوانێ زادگایشان کریوە و ئەسپەردێ کریێ.}

^{یاگێ ویر وستەیەنە چەنڎین شەوانە ڕوێ بێ کە دارستانەکێ (بوزین و مەڕەخێڵ)ی سەر بە شارو پاوە-ی جە هەورامان کە ٢٣ هەزار هکتارێ ڕووبەرشانە ئێرشان گێرتەبێ و جە ئاکامشەنە سەدان هکتارێ جە دارستانەکان سۆتێ بێنێ.
پەی کۆنترۆڵکەردی و ئەوەکوشنای ئێرەکەی ئا ٣ چالاکوانە ژیوگەپارێزێ لوێ بێنێ ناوچەکە و سەروەختو سەرقاڵ بییەشانە بە ئەوەکوشنای ئێرەکەی گیانشان بەخشابێ. هامکات چەنڎینێ چالاکوانێ و هاموڵاتیێ تەرێ بە ئێرەکەی بریندارێ بیێ بێنێ.}

29/6/2020