^{ڕۆژی شەممە ٣١ی جۆزەردانی ٢٧٢٠ی کوردی(٢٠ ژوئێنی ٢٠٢٠ ز) زەینەب جەلالیان زیندانی سیاسی کورد بەندکراو لە زیندانی حکوومەت لە قرچەکی وەرامین مانگرتن لە خۆراکی ڕاگەیاند.}

^{بە گوێرەی هەواڵەکە: خاتوو زەینەب جەلالیان چەندد ڕۆژ بەرێ بە بەرپرسانی زیندانی ڕاگەیاندبوو، ئەگەر نەی گەڕێننەوە بۆ زیندانی حکوومی شاری خۆی دەست دەداتە مانگرتن لە خواردن.}

^{پێویستە بیری بێنینەوە کە: ئەم زیندانییە سیاسییە لە کاتێکدا لەم ماوەیە تووشی ڤایرۆسی کورۆنا بووە خوازیاری پێڕاگەیشتنی پزیشکی زۆرتر ببوو و هەر لەم پێوەندییە و بە هۆی کردەیی نەبوونی هیچکام لە داواکارییەکانی، ناوبراو ئەوڕۆ مانگرتن لە خواردنی کە پێشتر ڕایگەیاندبوو خستە بواری جێبەجێ بوونەوە.}

^{شیاوی باسە: زەینەب جەلالیان زیندانی سیاسی کورد خەڵکی ماکۆ و لە دایکبووی٢٦٨٢ی کوردی ماوەی ١٣ ساڵە کە لە زیندانی حکوومەتی کۆماری ئیسلامی ئێران دایە. ناوبراو لە ڕێکەوتی ١٠ی گوڵانی ئەمساڵ لە زیندانی شوێنی ژیانی لە شاری خۆی لە ڕووداوێکی چاوەڕوان نەکراو و بە بێ ڕاگەیاندنی پێشوەختە بۆ زیندانی حکوومی قرچەکی وەرامین ڕاگوێزرابوو.}

سەرچاوە:kmmk

21/6/2020