^{ڕۆژی یەکشەممە ١٨ی جۆزەردان، چوار کۆڵبەری کورد بە ناوەکانی "هاوبیر ئیبراهیمی، عوسمان ساڵحی، ئەرسەلان عەبدوڵڵاهی و ئیبراهیم ڕەسووڵی" بەهۆی تەقەی هێزە نیزامییەکانی حکوومەت لە سنووری سەردەشت پێکران.}

^{ئەو چوار کۆڵبەرە کوردە لە ناوچەی "کانی دینارانـ"ـی سەردەشت کراونەتە ئامانجی تەقەی هێزە نیزامییەکانی حکوومەت.}

^{ئەو چوار کۆڵبەرە کوردە، بۆ چارەسەریی پزیشکی ڕەوانەی ناوەندی دەرمانیی شاری سەردەشت کراون.}

^{ڕۆژی شەممە ١٧ی جۆزەردان، هێزە نیزامییەکانی حکوومەت لە سەردەشت، تەقەیان لە ژمارەیەک لە کۆڵبەران کرد و لە ئاکامدا، کۆڵبەرێک بە ناوی "عومەر مەسلەحەتی فەرد" خەڵکی ئەو شارە گیانی لەدەست دا و دوو کۆڵبەری دیکە بە ناوی "ئومید کوشیار" و "عەبدولڕەحمان شایقی" خەڵکی گوندی "مێرئاوا"ی سەردەشت بریندار بوونە.}

٩/٦/٢٠٢٠