^{کێشەی کەمئاوی، خەڵکی ئیلامی وەزاڵە هێناوە و هیچ بەرپرسێک وڵامدەری ئەو کێشەیە نییە.}

^{ڕۆژانە بە بەردەوامی زۆرێک لە گەڕەک و شەقامەکانی ئیلام بێ ئاو دەمێننەوە و خەڵک بەهۆی نەبوون یان کەمبوونی ئاو، لەلای ئیدارەی پێوەندیداری ڕێژیم لەو شارە سکاڵایان تۆمار کردووە، بەڵام هەتا ئێستا هیچ وڵامێک بە سکاڵای خەڵکی ئەو شارە نەدراوەتەوە.}

^{ئەو کێشەیە هەموو گەڕەک و شەقامێکی ئیلام ناگرێتەوە و خەڵک لە دابەشکردنی ناعادڵانەی ئاو لەلایەن ئیدارەی ئاوی ئەو شارەوە هەست بە هەڵاواردن دەکەن و ڕایانگەیاندووە کە لە هەندێک جێگەدا ئاو هەموو کاتێک هەیە و تەنیا لە چەند جێگایەک ئەو کێشەیە بوونی هەیە.}

^{کێشەی کەمبوونی ئاو لە زۆربەی شار و گوندەکانی کوردستانی ڕۆژهەڵات، خەڵکی تووشی گرفت کردووە.}

^{هەر لەو پێوەندییەدا و لە ماوەی چەند ڕۆژی ڕابردوو، کێشەی نەبوونی ئاو لە چەند گەڕەکێکی جوانڕۆ، ناڕەزایەتیی خەڵکی ئەو شارەی لێکەوتووەتەوە.}

^{کوردستانی ڕۆژهەڵات کە سروشتێکی کوێستانی و ساردی هەیە، ساڵانە بە ڕێژەیەکی زۆر بەفر و بارانی لێ دەبارێت، بەڵام ڕێژیمی ئیسلامیی ئێران بە سازکردنی بەنداو و ڕاگواستنی ئاوی پارێزگاکانی کوردستان بۆ پارێزگاکانی ناوەندی ئێران، خەڵکی کوردستانی تووشی کێشەی کەمئاوی کردووە.}

23/5/2020