^{سێشەممە ٣٠ی گوڵانی ٢٧٢٠ی کوردی، هێزە چەکدارەکانی کۆماری ئیسلامی ئێران لە کرماشان، گەنجێکی تەمەن ١٨ سال بە ناوی بێهزاد ساڵحی کە گومانی ئەوەیان لێکردبوو شتوومەکی قاچاخی پێیە کردۆتە ئامانج و کوشتوویانە.}

^{بە هۆی تەقەی هێزەکانی حکوومەتی ئێران ماشێنی ناوبراو وەرگەڕاوە و بێهزاد شۆفیری گەنجی ئەم ماشێنە تووشی برینی گران هاتووە و هەر لە شوێنی ڕووداوەکە گیانی لە دەست داوە.
بێهزاد ساڵحی خەڵکی گوندی “شەش بی سەرەوە” سەر بە شاری ڕوانسەرە.}

^{شیاوی باسه کە هێزە چەکدارەکانی کۆماری ئیسلامی ئێران بە دەیان جار ماشێنی هاوڵاتیانی ڕۆژهەڵاتی کوردستانیان کردۆتە ئامانج و تا ئێستە چەندد کەس بەم هۆیەوە کوژراون یان بریندار بوون.}

^{کۆمەڵەی مافی مرۆڤی کوردستان}

٢٠/٥/٢٠٢٠