^{سزای یەک ساڵ بەندکردنی فەرزانە جەلالی چالاکی مەدەنی و یەکێک لە چالاکانی ناسراو لە دادگەی پێداچونەوە وەک خۆی پەسەند کرایەوە و بڕی ئەو بارمتەیەی کە بۆ ئازادی کاتی ناوبراو لە دادگە دانرابوو لەلایەن ئەم دەزگا دادوەریەی کۆماری ئیسلامیەوە دەستی بەسەردا گیرا.}

^{ئەم چالاکەی بواری ژنان لە لایەن لقی دووی دادگەی ئینقیلابی کۆماری ئیسلامی ئێرانەوە بە سەرۆکایەتی دادوەر« شاهرۆخ مورادی» سزای یەک ساڵ بەندکردنی بە تۆمەتی پڕوپاگاندا دژ بە حکومت بەسەردا سەپێندرابوو و هەروەها لە سەر تۆمەتگەلی تر وەک، هەواڵگری و ئەندام بون لە پارتی ژیانی ئازادی کوردستان( پەژاک) بە بێ تاوان ناسرا بوو.}

<sup>سزای یەک ساڵ بەندکردنی ناوبراو لە دادگەی پێداچونەوە بۆ جارێکی تر پەسەند کرایەوە و بە هۆی خۆ رادەست نەکردنەوەی ئەم چالاکە ناسراوەی رۆژهەڵاتی کوردستان بە بەندیخانە بڕی ٣٠٠ ملیۆن تمەن بارمتەی ئەم کەسە لەلایەن حکومەتی ئێرانەوە دەستی بەسەردا گیراوە

سەرچاوە: کۆمەڵەی مافی مرۆڤی کوردستان</sup>
٢٠/٥/٢٠٢٠