^{ه‌پێچه‌وانه‌ی دوو هه‌فته‌ی رابردوو جارێكی تر ژماره‌ی تووشبوانی نوێی كۆرۆنا له‌ ئێران به‌رزبوه‌وه‌ و كۆی گشتیی تووشبوان له‌و وڵاته‌ گه‌یشته‌ سه‌رووی 100 هه‌زار كه‌س.
كیانوش جه‌هانپور وته‌بێژی وه‌زاره‌تی ته‌ندروستی ئێران رایگه‌یاند، له‌ 24 كاتژمێری رابردوودا 78 كه‌سی تر به‌ هۆی كۆرۆناوه‌ له‌ وڵاته‌كه‌ی مردوون و هه‌زار و 680 حاڵه‌تی نوێی تووشبوونیش تۆمار كراون.
ئه‌مه‌ش له‌ كاتێكدایه‌ له‌ دوو هه‌فته‌ی رابردوودا رۆژانه‌ نزیكه‌ی هه‌زار حاڵه‌تی نوێی تووشبوون له‌ ئێران تۆمار ده‌كران و به‌وته‌ی كیانوش جه‌هانپور له‌ 15 پارێزگا ژماره‌كانی تووشبوون به‌ كۆرۆنا له‌ هه‌ڵكشاندان و سه‌رقاڵی لێكۆڵینه‌وه‌ و چاودێری كردنی دۆخی ئه‌و پارێزگایانه‌ن تا هۆكاره‌كه‌ی بزانن.
وته‌بێژی وه‌زاره‌تی ته‌ندروستی ئێران راشیگه‌یاند، تائێستا 101 هه‌زار و 650 كه‌س تووشی كۆرۆنا بوون و له‌و ژماره‌یه‌ شه‌ش هه‌زار و 418 كه‌س گیانیان له‌ده‌ستداوه‌ و 81 هه‌زار كه‌سیش چاكبوونه‌وه‌.}

7/5/2020