^{''کیانووش جەهانپوور''، وتەبێژی وەزارەتی تەندروستیی ڕێژیم، ڕۆژی سێشەممە ٣ی بانەمەڕ، ئاماری تووشبووانی ڤایرۆسی کۆرۆنای بڵاو کردەوە.}

^{لە ماوەی ٢٤ کاتژمێری ڕابردوو، ٩٤ کەس گیانیان لەدەست داوە و ١١٩٤ حاڵەتی تازەی تووشبوون تۆمار کراوە.}

^{بەپێی ئاماری فەرمیی ڕێژیم، تا ئێستا ٨٥ هەزار و ٩٩٦ تووشبوو بە ڤایرۆسی کۆرۆنا لە ئێران بوونی هەیە. ڕێژەی ئەو کەسانەش کە تا ئێستا گیانیان لەدەست داوە گەیشتووەتە ٥ هەزار و ٣٩١ کەس.}

^{ناوبراو بەپێی لێکدانەوەکانی ناوندی توێژینەوەی مەجلیسی ڕێژیم و ڕای پسپۆڕان وتبووی کە ئاماری تووشبووان بە کۆرۆنا لە ئێران زۆر زیاتر لەو ژمارەیەیە کە بە شێوەی فەرمی ڕاگەیەندراوە.}

^{هەروەها ''زەهرا سەدر ئەعزەم نووری''، ئەندامی شورای تاران وتبووی کە ئاماری قوربانییانی کۆرۆنا زۆر زیاتر لە ئاماری فەرمییە.}

^{هەروەها "محەممەد جەواد حەقشناس"، ئەندامی شورای شاری تاران وتوویەتی، دەوڵەت توانای بەڕێوەبەریی پێویستی بۆ بەرەنگاربوونەوە لەگەڵ کۆرۆنای نییە و تەنیا لە ڕێگای وتاردەرمانی و کۆنترۆڵی ئامار، دەیەوێت بەسەر کۆرۆنادا سەر بکەوێت.}

٢٣/٤/٢٠٢٠