سەرۆکوەزیرانی ئیسپانیا باری نائاسایی لە ترسی کۆرۆنا بۆ 15 رۆژ راگەیاند و دەڵێت، تەنیا بۆ کاری پێویست خەڵک بۆیان هەیە بچنە دەرەوە.
پێدرۆ سانچێز، لە گوتارێکی تەلەڤزیۆنیدا رێوشوێنی تەندروستیی بۆ بەرەنگاربوونەوەی کۆرۆنا خستەڕوو و رایگەیاند، تەنیا ئەوانەی پێویستیان بە سەردانکردنی ناوەند و دامەزراوە و نۆرینگە پزیشکییەکان هەیە دەتوانن لە ماڵ بچنە دەرەوە.
ئەوە یەکەم گوتاری بەرپرسانی باڵای ئیسپانیایە دوای ئەوەی ژمارەی تووشبوون لە وڵاتەکە گەیشتە شەش هەزار و 315 کەس و لە ماوەی کەمتر لە 48 کاژێردا هەزار و 83 تووشبوون بە ڤایرۆسەک ە تۆمار کراون، 193 کەسیش گیانیان لەدەستداوە.
تاوەکو ئێستا لە جیهاندا 156 هەزار و 62 کەس تووشی ڤایرۆسی کۆرۆنا بوون، 72 هەزار و 606 کەس چاک بوونەتەوە و پێنج هەزار و 817 کەسیش بەو هۆیەوە گیانیان لەدەستداوە
15/3/2020
