دوای بڵاوبوونەوەی ڤایرۆسی کۆڕۆنا لە قوم و بڵاوبوونەوەی بە شارەکانی تری ئێراندا و گەیشتنی بۆ کوردستان، ئێستا شاری کرماشانیش کەوتۆتە بەر مەترسیی جیدی و ئەم پەتایە بە شێوەیەکی بەربڵاو تێیدا تەشەنەی کردوە و ڕۆژ لە دوای ڕۆژ ژمارەی تووشبووان بەو ڤایرۆسە زیاتر دەبن.
دوای ڕاگەیاندنی هەواڵی تەرخانکردنی نەخۆشخانەی “گولستان” لە کرماشان بۆ وەرگرتنی تووشبووانی کۆڕۆنا، هەواڵەکان باس لەوە دەکەن کە ئەم نەخۆشخانەیە پڕ بووە و توانای وەرگرتنی نەخۆشی تری نیە، بۆیە باس لە تەرخانکردنی نەخۆشخانەی ” فارابی”ش بۆ وەرگرتنی نەخۆشانی تووشبوو بە کۆڕۆنا کراوە.
ناوەندە ئەمنیەتییەکان لە ترسی بڵاوبوونەوەی ئاماری ڕاستەقینەی تووشبووانی ئەو نەخۆشیە، بە هیچ شێوەیەک ڕێگە بە ھیچ پەرستار و دوکتورێک نادەن لە نەخۆشخانەکان مۆبایلیان پێ بێ.
هەر لەو پێوەندییەدا باس لەوە دەکرێ کە زیاتر لە دە کەس لە شائابادی کرماشان تووشی کۆڕۆنا بوون.
١١/٣/٢٠٢٠
