^{ئەنتۆنیۆ گوتیریس سکرتێری گشتی نەتەوەیەکگرتۆکان ڕۆژی دووشەممە نیگەرانی خۆی دەربڕی سەبارەت بە زیابوونی گرژییەکانی نێودەوڵەتی وداوای دان بە خۆداگرتنی کرد لەمیانەی زیابوونی ناکۆکییەکانی نێوان واشنتون و تاران پاش کوژرانی قاسم سولەیمانی.}

^{گوتیریس لەوتەیەکدا لە بارەگای نەتەوەیەکگرتۆکان لە نیویۆرك گوتی ساڵی نۆی دەستیپێکرد و جیهان بەڕەوشێکی نالەبار تێپەڕدەبێت. ئێمە لە کاتێکی ئێجگار مەترسیدار دەژین، گرژی و ئاڵۆزییەکانی جیۆسیاسی گەیشتۆتە ئەوپەری ئاستی بەرزی لەم سەدەیەدا.}

^{هەروەها گوتی ئەو ڕەوشە وڵاتانی زۆری هانداوە بڕیاری چاوەڕواننەکراو بدەن کە دەرئەنجامی چاوەڕواننەکراوی لێبکەوێتەوە کە ببێتە مایەی مەترسێیەکی گەورە بەهۆی هەڵەکردن لە مەزەنەکاندا. جیهان بەرگەی شەڕێکی تر لە کەنداو ناگرێت.}

^{گوتیریس گوتیشی پەیامەکەم ساکار و ئاشکرایە، ئەوپەری دان بەخۆتاندا بگرن، دووبارە گفتووگۆبکەنەوە و هاوکاری نێودەوڵەتی نۆی بکەنەوە.}

٧/١/٢٠٢٠