^{ژنە چالاکێکی فەرهەنگیی کورد لە شاری شائاباد سەر بە پارێزگای کرماشان، دەسبەسەر کرا.}

 ^{ئەمڕۆ سێشەممە ٢٦ی سەرماوەز، هێزە ئیتلاعاتییەکان ژنە چالاکێکی فەرهەنگیی کوردیان بە ناوی "ئانیسا جەعفەری مێهر" لە شاری شائاباد دەسبەسەر کرا.}

^{هێزە ئیتلاعاتییەکان بە بێ بەڵگەی یاسایی هێرشیان کردووەتە سەر ماڵی ئەو ژنە چالاکە کوردە و پاش پشکنینی ماڵەکەی دەستیان بە سەر هێندێک کەرەستەی شەخسی وەک لەپ‌تاپ، کتێب و موبایلی ناوبراو داگرتووە و لەگەڵ خۆیان بردووە.}

^{ئانیسا جەعفەری مێهر، خوێندکاری قۆناغی کارناسیی باڵای بەشی زمانناسیی زانکۆی کوردستان بووە.}

^{هەتا کاتی بڵاوبوونەوەی ئەم هەواڵە، هیچ زانیارییەک لە مەڕ چارەنووس و شوێنێ ڕاگیرانی ئەو ژنە چالاکە فەرهەنگییە لە بەردەستدا، نییە.}

^{لەو پەیوەندییەدا، شەوی یەکشەممە ٢٤ی سەرماوەز، ئاکۆ جەلیلیان، نووسەر، زمانزان و فۆلکلۆرناسی بەتوانای کورد لە لایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزرا.}

^{هەروەها، ڕۆژی یەکشەممە، ٢٤ی سەرماوەز، هێزە ئیتلاعاتییەکان بە هێرش کردنە سەر ماڵی کەسیی سێ چالاکی فەرهەنگیی کورد بە ناوەکانی "سۆهراب مورادی، داریووش مورادی و ئەحمەد بەساتی" و پاش پشکنینی ماڵەکەیان، ئەوانیان دەسبەسەر و بۆ شوێنێکی نادیاریان ڕاگواستووە.}

١٩/١٢/٢٠١٩