^{رێبه‌ری پارتی گردبوونه‌وه‌ی نیشتمانی راستڕه‌وی فه‌ره‌نسا، مارین لۆپان داوایكرد، توركیا له‌ په‌یمانی باكووری ئه‌تڵه‌سی(ناتۆ) ده‌ربكرێت.}

^{له‌ لێدوانێكدا بۆ ئێستگه‌ی " RC1"ی فه‌ره‌نسی، ماری لۆپان داوایكرد، وه‌ك وه‌ڵامێكی شیاو بۆ پێشێلكارییه‌كانی و هێرشی بۆ سه‌ر باكووری سووریا، توركیا له‌ ناتۆ ده‌ربكرێت.}

^{لۆپان ره‌خنه‌شی له‌ یه‌كێتی ئه‌وروپا گرت، به‌ هۆی ئه‌وه‌ی تا ئێستا هه‌ڵوێستێكی شیاوی سه‌باره‌ت به‌ هێرشه‌كانی توركیا نه‌گرتووه‌ته‌ به‌ر و بڕیاری نه‌داوه‌، توركیا ده‌ربكات.}

^{دوای ده‌ستپێكردنی هێرشی سوپای توركیا بۆ سه‌ر هێزه‌ كوردییه‌كانی رۆژئاوای كوردستان، هه‌ریه‌ك له‌ فه‌ره‌نسا، ئه‌ڵمانیا، نه‌رویج و ئیسپانیا بڕیاریان دا پرۆسه‌ی فرۆشتنی چه‌ك به‌ توركیا رابگرن.}

^{له‌ دوا كۆبوونه‌وه‌ی خۆیدا، یه‌كێتی ئه‌وروپا نه‌گه‌یشته‌ رێككه‌وتن بۆ سه‌پاندنی سزا به‌سه‌ر توركیا و قه‌ده‌غه‌كردنی چه‌ك فرۆشتن به‌و وڵاته‌، به‌ هۆی ئه‌وه‌ی توركیا ئه‌ندامی ناتۆیه‌ و وڵاتانی ئه‌و هاوپه‌یمانییه‌ پابه‌ندییان به‌رامبه‌ر به‌ توركیا هه‌یه‌.}

21/10/2019