^{دۆناڵد تره‌مپ، سه‌رۆكی ئه‌مه‌ریكا له‌ به‌یاننامه‌یه‌كدا قه‌باره‌ی سزاكانی سه‌ر توركیا ئاشكرا ده‌كات و جه‌ختیش ده‌كاته‌وه‌، هه‌موو به‌رپرسانی پێشوو و ئێستای توركیا سزا ده‌دات، تاوانیان ئه‌نجامداوه‌ و بوونه‌ته‌ هۆی ناسه‌قامگیری باكووری سووریا.}

^{لە دەسپێکی بەیاننامەکەدا تره‌مپ رایگەیاندووە، سزای بەرپرسانی ئێستا و پێشووی تورکیا دەدات، بەهۆی ناسەقامگیرکردنی باکووری سووریا،}

^{ئاماژەی بەوەشداوە، باج لەسەر کاڵاکانی تورکیا بە رێژه‌ی 50% زیاد دەکات و گفتوگۆی بەرزکردنەوەی ئاستی بازرگانی لەگەڵ تورکیا رادەگرن،}

^{روونیشیكرده‌وه‌، ئەو سزایانە تەواوی ئەو کەسانە دەگرێتەوە کە مافەکانی مرۆڤیان پێشێلکردووە و بوونەتە هۆکاری ئاوارەبوونی خەڵك و ده‌ربه‌ده‌ربوونیان.}

^{وه‌ك سه‌رۆكی ئه‌مه‌ریكا ئاشكرای كردووه‌، سزاكان سێ ئاستی جاواز له‌خۆ ده‌گرن:}

^{یەکەم: بەشێوەی سزای دارایی، دووەم بە شێوەی بلۆكکردنی سه‌روه‌ت و سامان، سییەم شیوەش بریتی دەبێت لە: رێگریکردن لە گەشتکردنی سزادراوان بۆ ئەمه‌ریکا.}

^{سەرۆکی ئەمه‌ریکا لەو بەیاننامەیە پرژاوەتە سەر پرسی لەشکرکێشی تورکیا و بە هەڕەشەی لەقەڵەمداوە بۆ ئاشتی و ئاسایش و سەقامگیری ناوچەکە، وێڕای تیکدان و شێواندنی دۆخیی مرۆیی.}

^{لەسەر چارەنووسی سەربازەکانی ئه‌مه‌ریكاش ترەمپ رایگەیاندووە، سەربازەکانیان لە رۆژهەڵاتی ناوەڕاست دەمێننەوە و ناگەرێنەوە ئەمه‌ریکا، تەنیا جێگۆڕکێیان لە سوریا بۆ شوێنێکی تر پیدەکرێت، بۆ رێگرتن لە سەرهەڵدانەوەی داعش، گوتیشی: لە سوریا ژمارەیەك سەرباز لە بنکەی تەنەف دەمێننەوە.}

^{جەختیشی لەوە کردووه‌تەوە، ئەمه‌ریکا سزای سەختی دارایی هاوکار و پاڵپشت و هاورێی تیرۆرستان لە سووریا دەدات.}

^{لە کۆتایی بەیاننامەکەشدا ترەمپ هۆشداریی داوە، کە ئابووری تورکیا بە تەواوی دەڕووخێنێت، ئەگەر لەسەر ئەو هێرشانە بەردەوام بێت.}

16/10/2019