^{سه‌رۆکى ئه‌مه‌ریکا رایگه‌یاند، ئه‌مڕۆ چوارشه‌ممه‌ هه‌ریه‌ک له‌ مایک پێنس، جێگره‌که‌ى و مایک پۆمپێیۆ، وه‌زیرى ده‌ره‌وه‌ى وڵاته‌که‌ى به‌مه‌به‌ستى گفتوگۆکردن له‌بارى دۆخى باکوورى رۆژهه‌ڵاتى سووریا له‌گه‌ڵ ئه‌ردۆغان، سه‌ردانى ئه‌نقه‌ره‌ ده‌که‌ن و چاوه‌ڕوان ده‌کرێت له‌شکرکێشییه‌که‌ رابگرن.}

^{له‌ لێدوانێکى رۆژنامه‌وانیدا ترمپ وتی: ئامانجى سه‌ردانى شاندى وڵاته‌که‌ى بۆ تورکیا، گفتوگۆکردنه‌ بۆ وه‌ستاندنى شه‌ڕ له‌ باکوورى رۆژهه‌ڵاتى سووریا و دووپاتیشى کرده‌وه‌، "چاودێرى دۆخه‌که‌ ده‌که‌ین".}

^{تره‌مپ به‌ڵێنیشیدا، هه‌ڵوێستى ئه‌مه‌ریکا به‌رامبه‌ر تورکیا و ئه‌وانى دیکه‌ش نه‌گۆڕه‌ و گوتی: "ئه‌وان به‌رگرى له‌ خۆیان ده‌که‌ن و پێویسته‌ ئێستاش به‌رگرى له‌ ئاشتى و ئاسایش بکه‌ن".}

^{هه‌روه‌ها تره‌مپ وتیشی: "ئیداره‌ى وڵاته‌که‌ى چه‌ند سزایه‌کى سه‌ختى به‌سه‌ر تورکیادا راگه‌یاندووه‌، به‌ڵام ئه‌گه‌ر سزاکانیش شکستیان هێناو ئه‌وان جێگروه‌ى زۆریان هه‌یه‌ بۆ ئه‌و مه‌به‌سته‌".}

^{دوێنێ شه‌و کۆشکى سپى له‌ به‌یاننامه‌یه‌کدا رایگه‌یاند، مایک پێنس، جێگرى سه‌رۆکى ئه‌مه‌ریکا له‌ سه‌ردانه‌که‌یدا بۆ تورکیا جه‌خت له‌سه‌ر ئه‌وه‌ ده‌کات، "تره‌مپ پابه‌ندى ئه‌و سزایانه‌ ده‌بێت که‌ به‌سه‌ر تورکیادا سه‌پاندوویانه‌، تا ئه‌و کاته‌ى ده‌گه‌نه‌ چاره‌سه‌رێکى ریشه‌یی".}

^{تره‌مپ داواى له‌ پێنس و پۆمپێیۆ کردووه‌ هه‌وڵ بده‌ن شه‌ڕ له‌ باکوورى رۆژهه‌ڵاتى سووریا بوه‌ستێنن و زه‌مینه‌سازى بۆ درووستکردنى پردێکى په‌یوه‌ندى له‌ نێوان تورکیا و هێزه‌ کوردییه‌کانى سووریا درووست بکه‌ن.}

16/10/2019