^{داواكاری گشتی لە ئێران تۆمەتی خراپەكاری لەسەر زەوی خستوەتە پاڵ هونەرمەندیی كورد موحسین لۆرستانی و ئەگەر ئەو تۆمەتەی بەسەردا ساغبكرێتەوە توندترین سزای بەسەردا دەسەپێنرێت.
لەو بارەوە كازم حسێنی پارێزەری ئەو هونەرمەندە وتی، داواكاری گشتی بەپشت بەستن بەنامە و چاتەكانی موحسین لۆرستانی تۆمەتباری كردووە بە خراپەكاری لەسەر زەوی.
راشیگەیاند، پەیج و ئەكاونتەكانی ئەو هونەرمەندە بە بەردەوامی لایخۆی نەبووەو چەند ئەدمینێكیش هەبووە بۆیە نازانرێت كە دەقی ئەو نامانە چۆن دەزەیان پێكراوە.
موحسین لۆرستانی مانگی شوباتی ئەمساڵ لەشاری تاران دەستگیركرابوو، ئەگەر تۆمەتەكەی بەسەردا ساغ بكرێتەوە دورنیە سزای لەسێدارەدانی بەسەردا بسەپێنرێت.
ئێران یەكێكە لەو وڵاتانەی جیهان كە حكومەتی ئەو وڵاتە زۆرترین چاودێری دەخاتە سەر ژیانی تایبەتی هاوڵاتیانی و تۆمەتبارە بە سنورداركردنی ئازادییەكان.}

3/10/2019